Ujor thymmai ka Congress sha u Lamphang ban mait kyrteng ia 4 ngut ki MLA

Ka Meghalaya Pradesh Congress Committee (MPCC) hynne ka sngi ka la phah biang ka jingujor sha ophis treikam jong u Lamphang ka Iingdorbar Thawain pyrshah ia saw ngut ki MLA kiba la kyntiap sha ka seng National Peoples Party (NPP).Ki nongialam ka MPPC ba kynthup ia u Secretary u bah Manuel Badwar bad u Chairman ka Legal Cell u bah Kynpham V Kharlyngdoh ki la leit ban aiti ia kane ka jingujor ha u Commissioner & Secretary Bah Andrew Simon.Ki nongialam ka MPCC, ki la phah ia kane ka jingujor pyrshah ia saw ngut ki MLA kiba kynthup ia u Dr Celestine Lyngdoh, Bah Charles Marngar, bah Gabriel Wahlang bad ia u bah Ronnie V Lyngdoh.

Haba kren sha ki lad pathai khubor, u bah Manuel ula ong ba kham mynshwa ka party ka la sdang ban ujor nyngkong ia ki lai ngut ki MLA kiba la phet seng kham hashwa kiba kynthup ia u Dr Celestine Lyngdoh, Bah Charles Marngar bad Bah Gabriel Wahlang ha kaba ia kine la ujor da u Bah Ronnie V Lyngdoh, hynrei hadien ba u Bah Ronnie u la pynkut noh ia kane ka jingujor namar ba u la leit rung lang ialade sha ka NPP, na ka liang ka MPCC ka la pynthymmai biang ia ka jingujor bad mudui pyrshah lang ruh ia u Bah Ronnie Lyngdoh.

U Bah Manuel Badwar u la ong, “Kane ka jingmudui jong ka Congress ka long katkum ka riti synshar ka ri namar kitei ki MLA ki la pynkhein ia ki kyndon phet seng.”U bah Manuel ula ong ba kane ka jingleh jong ki kadei namar ba ki sngewthuh ba haba kut ki hap ban bat ia ka riti synshar ka ri.“Haba don ki ain kiba la shna kyrpang na bynta jong ngi, ba kin shu iaid lait ne leh bakla ngim dei shah namar ngi hap ban pyni nuksa ia ki samla kiban sa wan pateng,” ula ong.Ula ong ba ka MPCC ka don ia ka jingkyrmen ban jop namar ki don ia ki sakhi bad ka jingbakla ruh kadei na ka liang jong kitei saw ngut.Hynrei mynta ka shong ha jingstad jong u Lamphang.U bah Manuel ula bynrap, lada u Lamphang um leh eiei halor kane ka jingujor, ka seng kan leit ruh sha Kashari.