Ka Sorkar Jylla hynne ka sngi ka la aiti noh ïa ka ïing sah u Lat ne ka Governor House ba don ha Tura sha ka Raj Bhavan ha kaba u Deputy Commissioner, West Garo Hills u Vibhor Aggarwal ula aiti ha u Dr. B.D.R. Tiwari uba long u Commissioner & Secretary sha u Governor jong ka Meghalaya,Ha kane ka jingialang la ia donlang u Superintendent of Police ka Tura u Abraham T. Sangma, u Joint Secretary sha u Governor bah A. Lakiang, u Assistant Executive Engineer ka Raj Bhavan u Bah D. Diengdoh, u C.K. Sangma u Executive Engineer, PWD (Building), Tura Sub-Division bad kiwei kiwei.
Hadien ka jingshimti iaka Governor House, u Dr. Tiwari ula lum ïa ka jingïalang bad ki ophisar na ki tnad bapher bapher ban pynthikna ba ka jaka jong ka Raj Bhavan ha Tura kan long kaba shngain, kaba la pynbha, bad kaba la pynkhreh bha.La iakren ia ka jingdonkam ban pynkhlain ia ki jingker pud da ki sainar, ban pynthikna ia ka bording kaba biang ha kylleng ka jaka, ban pynlong ia ki jingpeit bniah ia ka jingshngain na ka jingkem ding bad ban shim ia ka jingpeit bniah ia ka jingshngain kaba bniah, ka jingpynbiang um bad ia kiwei kiwei ki jingdonkam.
U Dr. Tiwari u la ban jur ban pynneh pynsah ïa ka mariang kaba jyrngam hapoh ka jaka bad ula ai jingmut ban thaw ïa ki jaka sah na ka bynta ki nongtrei jong ka NCC hapoh ka jaka bad ula tyrwa ruh ban buh ia ka Borang lane Garo Cultural Tree ha ka jingkhang jong ka iing jong u Lat ban pynpaw ia ka kolshor, ka histori, bad ka jingdonkam ba riewspah jong ka jaitbynriew Garo, da kaba kdew ba kan long kum ka jingithuh kolshor bad ka dak jong ka jinglong kyrpang na ka bynta ka imlang sahlang ha ka thain.
You may also like
-
Mih noh u MLA barim ka Rambrai na NPP, thaw da ka United People Forum
-
Nga bynnud hynrei ka KSU kam kyrduh nongialam: Lambokstar
-
“Ka High Court ka la shimkhia ki jingjia ia ieid samla shijur ban pyllait na ka POCSO”
-
Na krem dewiong ha Mulaibrisume, leit sei ka SDRF ia ka met iap rangbah
-
Plie Myntri ia ka tamasa Ñiangtaser ba 2 sngi ha Iewsier Umden