Bthah ban jurip biang ia ki nongdie madan ha Laitumkhrah

Ka Iingbishar jong ka Meghalaya High Court ka la bhtah ia ka Shillong Municipal Board  bad ki bor district ban ai jingkhein ia baroh ki nongdie madan ha Laitumkhrah, Shilong, khnang ba yn lah ban pynkhynriah ia ki nongdie madan kumba la leh ha ki thain Police Bazar Khyndailad, Shillong. Kane ka jingdawa ka la mih hadien ujor PIL da ka Seng Samla Laitumkhrah “Ieng Skhem Ha Ka Hok” ka society ba la register ban kynriah ki nongdie madam ha Laitumkhrah sha kiwei ki jaka ban suk ki paidbah ki nongleit nongwan ki kali.

Ka Iingbishar jong u Chief Justice IP Mukherji bad u bah W. Diengdoh ka pynpaw ia ka jingbym hun halor ka kaiphod jong ka Shillong Municipal Board ha ka 29 tarik Nailar, kaba long katkum ka jingbthah ka iingbishar, hynrei ha ka kaiphod ka pynpaw ba ki don bun ki nongdie madan ha Laitunkhrah hynrei kim don ki kot ki sla ba biang ban pynshisha kum ki nongdie madan. La iathuh katkum ka kaiphod jong ka Board ki don 122 ngut na ki nongdie madan bad na kine tang 22 ngut ki nongdie madan kiba dei hok ban ioh skhim jingiarap kiba don ki kot ki sla ba biang. kine ki 22 ngut ruh kim don ka laisen hynrei katkum ka Board ka kubur “ki dei hok ban ioh ia ka skhim”. Kumta kane ka khaiphod kam shai namar ka pynpaw “nalor ki 22 ngut ki don sa 48 ngut kiba kam ki dei ki nongdie madan”.

Kumta ka paw ha ka jingjurip ia ki nongdie madan hapdeng ka 12 bad 16 tarik u Kyllalyngkot, 2024 bad ki jingkhein mynta ka jingdon ki nongdie madan khlem laisen na ka 122 kynthup ia 48 ngut kiba dang thymmai. Halor kane ka Iingbishar ka la bthah ia ka Board ki bor pulit ban jurip bniah ia ka jingdon ki nongdie madan ha Laitumkrah bad ki dei ban ai ka kaiphod hapoh 8 taiew, khnang ba yn lah ban kynriah ia ki nongdie mada katkum ki kyndon ban pynkylluid ia ka thain Laitumkhrah, Shilong.