Wanrah ka sorkar da Policy ban kyntiew kam ak plim bad ka Arunachal Pradesh

U Myntri Rangbah ka Jylla u Conrad K. Sangma hynne ka sngi ula pyllait ia ka Meghalaya Film Tourism & Creative Media Policy 2025, sam ia ki Grant sha ki nongshna phlim bad pynbna paidbah ban don ia ka Filmmaking Exchange bad ka jylla Arunachal Pradesh kum shibynta ban kyntiew ia ka kam shna phlim ha ka jylla. Ha kane ka jingialang la pyllait paidbah ruh ia ka Tourism Buddy Programme bad ka jingkaweh lama jong ka jingsdang ia ka Hello Meghalaya Road Show bad ka jingaiti noh ia ka Ward’s Lake ne Nan Palok da ka Tnad Forest sha ka Tnad Tourism.

U Myntri Ragabh ula pynbna ruh ia ka jingtyrwa ban don ia ka Film Institute ha ka jylla bad ban pynlong ia ka Film Festival ha kylleng ki district ym tang hapoh ka nongbah Shillong. Ula ong, ba ka Film Institute kan iarap ha kaban ai jinghikai ia ki nongshna phlim kiba dang samla bad ia ki tyngshop ki puron kiba na Meghalaya bad ban khring ruh ia ki riewdonsap kiba hapoh ka ri bad kiba nabar ri bad ula ong ba ka sorkar

kam kwah ba kaei kaei kan jia tang ha ka nongbah hynrei ki briew ha Tura, Jowai bad ha kiwei kiwei ki jaka kidei ban ia donbynta lang ha kane ka cultural movement.U Conrad ula ong, kine ki sienjam kidei shibynta jong ka jingpynwandur ia ka Draft Meghalaya Film Tourism & Creative Media Policy 2025, ia kaba la plie na ka bynta ki paidbah ba kin ioh ban ai jingmut hashwa ban shim ia ka rai kaba khatduh.