KSU War Jaintia Circle mynha ka 2 tarik u Jylliew, 2025 ka la leit iakynduh ia ka SDO Amlarem Sub Division ban iakren bad buh jingthoh halor ban peitngor bad tehlakam ha kaba pynrung ha ka Electoral Roll Enrollment ne ka jingpynrung kyrteng ia ki nongshong shnong bapura (genuine citizens) kiba hap hapoh ka thaiñ Amlarem Civil Sub Division.
Ia kane ka jingiakynduh la ialam da u General Secretary samla Platini Mukhim bad ka Education Secretary samla Ladaplin P. Hayong jong ka KSU War Jaintia Circle ha ryngkat ki dkhot ka circle. Ka jingiakynduh jong ka KSU War Jaintia Circle ka long khamtam ban iada naka jingwan buhai shnong ki khar Bangladesh bad kiwei pat ki bar jylla hapoh ka dong ka thaiñ War Jaiñtia. Ka seng ha ka jingiakynduh bad iakren bad ka Officer incharge ka Anenya Rashree IAS bad na ka liang jong ka iathuh ba ki shimkhia bha ia kane bad ka iathuh ba dei ki trai jylla hi kiba iarap pynrung ia kitei ki bar ri lyngba ka kam benami jongki, bad ka kular ban tehlakam halor kaba ia dei bad kane ka bynta ha ryngkat ka jingioh jingithuh ruh naki shnong bad ki kot ki sla.
Ka la kular ruh ban ai ka jingiatreilang bad ka seng bad ka ong ruh ba lada ka seng ka lap ia kum kine kiba ioh epic, ka KSU kan leit ujor beit sha ka ophis Jong ka bad kan sa leh ia kaba donkam.
You may also like
-
Kiew 7,500 ki Case shah dait ksew East Khasi Hills
-
Ka Cherry Blossom Festival New Shillong, ka tiket T.2,500 ba duna eh
-
Ka khubor thok ba leit iasoh BJP ki MLA UDP: Olan Sing
-
Nga la iakynduh bad iakren ia ki MLA, kim shym pynpaw ban leit rung BJP: Metbah
-
T.186 klur siew tulop ka sorkar ia ki nonghikai Kolej shimet