Katto katne ki dukan ha surok GS Road pyrshah ka Ajmera Marbles hajan Them Bijoy ki la shah bam duh na ka jingpluh ding kynsan hynne sngi u Blei, kaba la pynher syrngiew ia ki paidbah nongleit nong-wan.
Ki khubor ba la ioh ki iathuh ha kane ka jingjia pluh ding ki don kumba 4-5 tylli ki dukan ba dei da ki dieng bad ki tin ba la julor harud surok hajan lad Umsohsun, Shillong hynrei ym shym don mano mano ba mynsaw.
Kane ka jingjia ka la jia ha ka por 11:30 mynstep bad ki pulit pyntip ding mar ia ioh jingtip
ki leit mar mar ban tem ia ka jingklang ka ding bad ki paidbah ruh ki la iarap ia ki pulit ban tem ia ka jingklang ka ding.
Haduh ba thoh ia kane ka khubor ym shym la ioh jingtip katno ka jingjulor ha kane ka jingpluh ding bad la suba ba kane ka jingjia ka lah ban dei na ka jingthud ka bording ilektrik ne Short Circuit. Ki pulit ki dang pynlong ka jingtohkit ban lap ia ka daw kane ka jingjia pluh ding.
You may also like
-
Leit khang ki seng bhalang ïa ki Bank ha kylleng ka Jylla ba plie sngi U Blei
-
Khlain ki rynsan Social Media ban ialam bakla ia ki paidbah
-
Ki MLA ba iasoh BJP ki dei kiba iohi jngai halor ki kam pynroi: ong u bah Sanbor
-
Ka View Point ha Mawiong Rim ka jaka bret niut ki nongshangkai:UHM
-
Ka Shillong Tech Park-II ba T.121 klur kan sei ki buit treikam thymmai ban sengkam”