U myntri rangbah ka jylla u Conrad Sangma un leit ban ia kynduh ia u myntri ka tnad rel ka sorkar pdeng ha New Delhi ha ka sngi Thodieng ban iakren ia ka jinglong jingman jong ki projek lynti rel ba la thmu ban shna ha ka jylla. Ia kane u la kren sha ki nongthoh khubor hynne ka sngi Balang halor ka jingthmu jong u ban leit sha New Delhi. Ki projek lynti rel ha ka thain Khasi Hills ki la khang da nongialam ki kynhun sengbhalang halor ka jingwan rung be-ain ki briew na shabar Jylla. Kiba bun ki dawa na ka sorkar ban pyntreikam ia ka ILP shwa ban iakren ia ki projek lynti rel ha kane ka thain.
U Conrad ula ong, ba ka jylla ka la shimkhia ban iakren bad ka sorkar pdeng halor ka jingdonkam ban pynsted ia ka jingpyntreikam ia ka inner line permit (ILP), na bynta ban pynbeit ia kiba bun ki jingeh bad kan plie lynti ban wanrah ia ki lynti rel ha ka thain Khasi-Jaintia ka jylla .
Ha ka jubab ïa ka jingkylli halor kane ka mat, u Sangma ula ong, “Hooid, ngi la ïakren ha ka jingshisha ïa kane bad dei na kata ka daw ba ngi la mynjur ïa ka resolution. Kane ka sorkar ka la mynjur ïa ka rai ha iing Dorbar Thawian bad kane ka dei ka khubor ïa ka jingdawa kaba ngi donkam palat.”
You may also like
-
Ban pynduna ïa ka jingdheng kali, ka nongbah Shillong kan pyntreikam ïa ka rukom pynïaid kali
-
Pyrshah ka AMPSTA ban pynduh kam ia ki nonghikai Deficit
-
T.2,270 klur pan ka NERPC ban kyntiew ia ki lad pynmih bording ha NE
-
Pan kaiphod ka MHRC ba bom ia u samla haduh da jngem ha thanad Sohra
-
Hiar u Symbud Myntri Rangbah, CEM bad ki MDC sha Lapangap