Yn leit u Bah Sanbor sha Bangladesh, ban tei mot ba shirynieng ia U Tirot Sing

U Myntri ka tnat Arts and Culture ka Sorkar Jylla u Bah Sanbor Shullai u la pyntip ba shen un iakren bad ka Sorkar Pdeng ban leit jurip ia ka jaka ba pynieng ia ka dur mot u Tirot Sing Syiem ha nongbah Dhaka, Bangladesh. Ia kane u Bah Sanbor u la ong daka ba pynpaw ba u kwah ban pynieng da u mot ba shi rynieng jong u khlawait ka Ri Khasi u Tirot Sing Syiem ha nongbah Dhaka ka Ri Bangladesh.

Haba kren shaki lad pathai khubor u Bah Sanbor u la pynkynmaw ba hadien ba mih ka jingkulmar ha Bangladesh, ki paidbah ba iakhih kila pynpra iaka dur mot u Tirot Sing.”Hadien ba ngi ioh jingtip ba ki paidbah ba iakhih kila pynpra iaka dur mot u Tirot Sing Syiem ngi dang daka jingsngewsih bad ngi la phah ka kyrwoh ban pynrem ruh” la ong u Bah Sanbor.

U Bah Sanbor u la pynkynmaw ba dei haka por ba u bat kum u Myntri ka tnat Arts and Culture ba u la shim iaka rai ban buh ia ka dur mot u Tirot Sing Syiem ha Dhaka.Haba iadei bad kane u Bah Sanbor u la pyntip ba shen un iakren bad ka Sorkar Pdeng ban lum ka jingialang ban leit jurip ia ka jaka ban pynieng syndon da u mot ba shi rynieng jong u Tirot Sing Syiem ha Dhaka.”Nga la iakren bad u Bah F Kharkongor, nga tharai ngin sa pynbeit ia ka tarik bad ngan leit da lade namar ngi donkam ban tei da u mot ba shirynieng jong u Tirot Sing Syiem ha Dhaka Bangladesh” u la ong.