Yn shimti biang u Bah Thombor Shiwat kum u CEM ka JHADC

U MDC ka Moodop-Umladang constituency naka National People’s Party (NPP) u Bah Thombor Shiwat un shimti biang kum u Chief Executive Member (CEM) ka Jaintia Hills Autonomous District Council (JHADC).  Ia kane la pynbna da u general secretary ka NPP Meghalaya u Bah Sniawbhalang Dhar uba dei ruh u Symbud Myntri Rangbah ka Jylla. Haba kren sha ki lad pathai khubor u Bah Sniawbhalang u la pyntip ruh baka NPP mynta kala don 14 ngut ki MDC hadien baka MDC shimet jong ka Rymbai-Khliehriat ka Kong Violet Lyngdoh kala pyniasoh ialade shaka NPP.

U bah Sniawbhalang u la iathuh ba iaka EC thymmai hapoh ka JHADC ha ka jingialam jong ka NPP ka la don 18 ngut ki MDC lyngba ka jingwan kyrshan ki 3 ngut ki MDC ka United Democratic Party (UDP) bad u MDC shimet na Jowai-South constituency u Bah Moonlight Pariat.  Haba iadei bad ka jingkynnoh u President ka VPP ba ka jingioh ka VPP tang 8 ngut ki MDC ha JHADC ka dei namar ka jingshah byrngem, u General Secretary ka NPP u Bah Sniawbhalang Dhar u la ong  “Lada ha JHADC ka NPP ka jop 13 Seat da kaba thombor, ka mut ha KHADC ka VPP ka ioh 17 Seat dei ba ki thombor?. Ka Politic hi kam ju don kum kata, ki paidbah ki pyntreikam ia la ka jong ka hok”.

U Bah Sniawbhalang u la kam ruh ba ka jingjop bun ka VPP ha KHADC kam buh jingma ia ka NPP namar ba na ki 29 Seat ha KHADC ha ka MP election ki jop lut baroh ki Constituency hynrei ha ka MDC ki jop tang haki 17 constituency bad kane ka pyni ba ka don ka jinghiar kaba khraw ia ka VPP. “Ngin hap ban Postmortem bha ban wad iaki daw tynrai ba ngi hiar ha ka ilekshon KHADC” u la ong.