Hun jrut ki paidbah ïa ka jingpynbyrngia u Russel Peter

U nongkren biria bapawnam ha baroh kawei ka pyrthei, u Russell Peters, u la pynbyrngia kaba la pynhun jrut ïa ki nongpeitkai, kaba la pynlong ha Lariti International Centre for performing arts and culture, Shillong, Mawdiangdiang, ha ka miet jong ka sngi thohdieng, kum shi bynta jong ka Relax World Tour jong u.
Kane ka rynsan, kaba la pynlong da ka Rockski EMG, ka la sakhi ïa ka jingwan tuid jong ki paidbah najan, najngai bad kiba wan na shabar ka jylla ruh kumjuh, kaba la pynskhem ïa ka nam jong ka Shillong kum ka jylla kaba pawnam tam ha ki kam pynbyrngia.
U Peters u la pynpaw ka jingkren ban wan iuhkjat sha kane ka thaiñ shatei lammihngi, bad u la ai ia ka jingkren jong ngi ha rynsan kaba khlem da lah ban pynrkhie ia ki paidbah bad u la ong ba ngi ki khasi ngi long kum ki nong Thailand ha ka jinglong jingman bad ki kam.
Bun ki jaka bam bad ki jaka leitkai sawari ha ka nongbah ki la nang pynlong ïa ka jylla kaba pawnam mynta bad ka ktik ka bynta ki nongrwai bad kiwei pat ki riewpaw khmat nabar ri.
Haba kren sha ki nongthoh khubor hadien ka rynsan ka jong u, u Peters u la batai ïa ki jingsngew jong u shaphang kane ka nongbah, da kaba pynpaw ïa ka jingsngewtynnad ïa ka kolshor rwai bad ki nongpeitkai kiba sngewtynnad. U la ong ba ka Shillong ka la im katkum ka nam jong ka kum ka “nongbah ba khraw jong ki nongrwai” ryngkat bad ki paidbah kiba shlur, da kaba bynrap ba ka jingïakynduh ka la palat ïa ka jingkhmih lynti jong u watla u don tang khyndiat ka jingtip lypa shaphang kane ka thaiñ, u la sngewthuh ba ki paidbah ki ieid ia u.
U la ong ba haba u iaidkai sha khyndailad, bad sawdong ka sor Shillong, um poi pyrkhat ba ki paidbah kin ithuh ia u, bad wat kibym ithuh ruh ki kwah ban khublei kti bad ban shondur bad u.
Haba ioh ban iakren bad ki katto katne ngut ki nongwan peitkai, ki la pynpaw ia ka jingkmen ka jong ki ban iohi markhmat ia u Russell Peters bad ban sngap ruh da ki shkor lade namar ki shu iohi tang ha ki rynsan social media.
Kane ka rynsan ka la long kaba jop ha kaba ia ki tickets ladep ban die lut kiba wan ha ka xor 2,100 haduh 8,000 tyngka, bad ka nongpeitkai ki la wan ban sakhi ia ka jingkren biria jong u Russell Peters.
Kane ka rynsan ka la long ka dak kaba kongsan ha ka nam jong ka Shillong kum ka jaka jngohkai pyrthei ha ka kolshor bad ka jingpynbyrngia. “Ka Meghalaya ka dang ïai bteng ban kiew kum ka pdeng na ka bynta ka kolshor bad ka jingpynbyrngia. Ka jingpdiang ïa u Russell Peters—bad ban ïohi ïa kum kane ka jingkynthoh kaba khraw—ka pynpaw ïa ka jingkwah ki paidbah dik dik ban don kum kine ki rynsan kiba pher,” ong ka Brenda Pakyntein, ka Director jong ka tnad jngohkai pyrthei, ka Sorkar Meghalaya.
Ka jingjop jong kane ka rynsan ka la buh ia ka Shillong ha ka map na ka bynta ki jingsngewbha sngewtynnad ha ka pyrthei, bad ka paw shai ba ka nongbah ka la pynkhreh na ka bynta kiwei pat ki rynsan pyrthei. Kumba ong u Jason Manners na Rockski, “Ka Shillong ka dang wan shisha ha la ka jong ka jong ka jaka kum ka jaka ha kaba ka jingpynbyrngia kaba ha ka kyrdan pyrthei ka iakynduh ia ki paidbah kiba ym lah ban ngeit.”
Na ka liang uwei u rangbah, u la ong ba kum kine ki rynsan ki lah ban ai mynsiem ia ki samla khasi kiba don ka sap kum u Russell Peters bad lyngba ka jingwanrah ka Rockski EMG ia kane ka rynsan ha nongbah, kan long ka jingkyrkhu ia kiwei pat naduh ki nongrwai, ki nongtem nongput, bad wat ki nongkren biria kiba la pawnam kylleng ka pyrthei.