Ha kine ki sngi, ka la mih ka khubor ba ki don ki nongialam seng sain pyrthei ha ka jylla ki ban rung sha ka BJP shen, shi bynta ban pynkhreh ia ka ilekshon MLA 2028.
Ha ka jingwad jingtip bniah, la sngewthuh ba kane ka lah ban urlong shisha ha kaba la don ki nongialam kiba la iakut ktien shisha bad ki nongialam ka BJP ba kin rung sha kane ka party shen.
Uwei na ki nongialam seng riewlum uba la paw bha ha ka jylla, u dei u Dr. Jemino Mawthoh, uba la khreh ialade ban rung sha kane ka seng sain pyrthei.
Katkum ka jingtip kaba la thikna, u Dr. Jemino Mawthoh u lah ban iasoh sha ka BJP ha ki bnai ban wan hadien ba ula mih noh na ka UDP naduh mynshem snem.
U Dr. Jemino u la don bun snem ha ka UDP, bad ula bat kam kum u Working President la ar sien bad kum u General Secretary la 9 snem kynthih shwa ba un mih noh.
Katkum ka jingtip, ka jingmih u Dr. Jemino na ka UDP, kam don eiei ka daw kaba iasylla badno badno hynrei ka dei ka rai shimet jongu, ban thaw lynti thymmai ha ka sain pyrthei hadien ba ula don bunsnem ha ka seng riewlum. U Dr. Jemino u dei uwei na ki nongialam ka UDP uba ju kren bha ban don ka jingiatylli ki seng riewlum hynrei kam poi satia shano shano ruh.
La ioh jingtip ba u Dr. Jemino un sa khot ia ka jingialang paidbah ban pynbna ia kane ka rai kaba ula shim, kaba lah ban jia long ha u Jymmang mynta u snem.
Khlem pep, ka jingleit iasoh jong u sha ka BJP kan pynrah ia kane ka party ha kane ka jylla, ka bym pat lah ban suhthied bha ha kine ki sngi.
You may also like
-
Shah kem 2 ngut bad ïoh kurup 32.64 gram u Heroin
-
Ka Ropeway Ha Ki Ranab U Lum Shyllong: Ka Dei Tang Ka Rongphong-TUR
-
Ka jingphet seng bad jingshah thied kinongïalam ki dawbah jingtlot ka Congress
-
Ka pateng mynta ka dei ban pynneh ia ka jingstad ba la ai ki kpa tymmen: Kong Deity Majaw
-
Palat sanspah ki dieng la pom, ka Project Shillong Ropeway kan iaid shakhmat