Kawei ka dukan ha Motphran ba la tip kum ka Shaunak Sweets and Snack ka la kem ding bad pluh kynsan hynne ka sngi kaba la wanrah ka jingjulor ba shyrkhei na ka jingpluh ding.
Kane ka jingjia kala jia ha ka por kumba 12:30 mynsngi bad kane ka jingkem ding kala sdang na ka jaka shet jingbam bad kala pur lut sha kane ka dukan bam kaba don hapoh jong ka Jwain Complex kaba don marjan bad ka Palace Restaurant.
Katkum ka jingiathuh u Gautam Pathak u Manager kane ka dukan ula ong, namar ka jingbym ioh ia ka Commercial LPG kumta ki la pyndonkam noh da ka Diesel ban shet jingshet hynrei namar ka jingjur palat ka lyer ka la mih kane ka jingpluh.
Haba ka la mih kynsan kane ka jingpluh, ki nongpyniaid jong ka dukan bad ki nongtrei kila pynmih noh wut wut ia ki nongwan dih sha bad kila ialeh ruh ban tem ia kane ka ding bad da ka jingwan kloi ki kali pynlip ding la lah ban tem noh ia kane ka ding ba kan pur sha kiwei pat ki dukan kiba don hapoh jong kane ka Complex.
Ha kane ka jingjia ym shim la don mano mano ruh kiban mynsaw ne ban mad ia kano kano ka jingjia kaba sngewsih lait noh tang ka jingjulor ki jingdon jingem hapoh kane ka dukan sha kaba die ia u puri bad ki mithai kiba bunjait.
You may also like
-
Pynkup bor u DC ia ki BDO kum ki ‘Executive Magistrate’
-
Kem ki pulit Mawkyrwat ia u runar na Gujarat ba ‘Blackmail’ ia ka samla haduh ban pyniap ia lade
-
Ka jingialang ki ‘Scouts & Guides’ban kyntiew ka jingiatreilang ha ka imlang sahlang
-
Yn pyntreikam ia ka ICCC ha jylla kum ha Telangana: Conrad
-
Hadien ka jingtwa surok Laitlyngkot Bthah u ADC ban iaid noh na surok Laitlyngkot-Umthli-Laitkynsew