Bynñiaw ka MSWDA halor ka jingbym lah ka sorkar ban shimkhia ïa jingeh ki skul

Ka Meghalaya School Welfare Development Association (MSWDA) ka la pynpaw ka jingbynniaw halor ka jingbym lah ka sorkar ban shimkhia ia ki jingeh jong ki skul Secondary bad Higher Secondary.
U President ka MSWDA u bah HM Marbaniang ha ka kyrwoh khubor ula ong ba ba ka seng ha ka 4 tarik Iaiong, 2025 ka ladep aiti ia ka dorkhas sha u Myntri ka tnad Pule Puthi ka jylla ban pynpaw ia ki jingeh ba ki skul ki iakynduh haba iadei bad ka jingioh jingiarap ne ka Grant-in-Aid.
U President ka MSWDA ula ong ba ka Sorkar kala leh klet ia ka jingkyrpad jong ki skul bapher ban ai lem ia ka grant-in-aid sha ki skul kiba dei hok ban ioh.
“Ka Sorkar kala leh klet ia ka jingkyrpad jong ki skul bapher bapher kiba la tyrwa lyngba ki DSEO bad DSEL ban kyrpad ia ka Sorkar ban ai lem ia ka grant-in-aid sha ki skul kiba dei hok ban ioh,” ong u bah Marbaniang.
Ula ong ba katkum ka Directorate of School Education and Literacy (DSEL), ki don haduh 29 tylli ki skul sorkar, 17 tylli ki Deficit, 69 tylli ki Adhoc Higher Secondary School bad 121 tylli ki skul Deficit Secondary. Hynrei, bun na ki skul kim shym la ioh ia ka grant-in-aid, ha kaba 219 tylli kila ioh ia ka Science grant khlem ka adhoc grant ia ki nonghikai kiba dei jong ki general subject.
“Ngi sngewsih jur halor ka jingbym leh eiei halor ki jingeh jong ki skul Secondary bad Higher Secondary kumba la pynpaw ha ka dorkhas bala aiti ha u Myntri ka Tnad Pule Puthi” ong u President ka MSWDA.
Na ka liang ka MSWDA ha ka 6 tarik Iaiong, 2026 kan pyllong ia ka jingialang bah jong ki ban iakren ia kine ki kam, kynthup ki skul SSA bad ka jingthungkam ia ki nonghikai ha ki jaka ba lait.
Ha kane ka jingialang yn wan ban iashimbynta da ki dkhot jong ki School Management Committee, ki Principal bad ki Nonghikai.