Kawei ka longkmie ba dei ka nonghikai skul ba 27 snem ka rta ba jah na Guwahati, Assam la lap na nongbah Shillong hynne ka sngi Saitjain bad ki pulit ki suba ba ka lah ban dei ba shah shah rabor ha ki runar da kaba pyndonkam ia ki dawai drok.
Katkum ki khubor ba la ioh na ki pulit la iathuh kane ka longkmie ba 27 snem ka rta bad ka la jah ha ka 24 tarik u Iaiong na nongbah Guwahati bad hynne ka sngi la lap hapoh kawei ka kamra jong ka State Bank India ba don ha Polo, Shillong bad ki nongtrei ba la lap ki la pyntip mardor sha ki pulit.
La iathuh kane ka longkmie ka treikam nonghikai ha kawei ka skul shimet ha Guwahati, hynrei dang shen ka la iehnoh ia ka kam hikai bad ka la leit sha skul ban shim tulop ba dang sah.
Ki pulit na Guwahati ki la wan poi sha nongbah Shillong bad ki la rah ia kane ka longkmie ban tohkit kumno ka la wan poi sha Shillong.
Ki pulit ki la iathuh shwa ba kan mih na ïing, ka la ïathuh ha kiba ha ïing ba kan leit sha skul ban leit shim tulop ba dang sah hynrei ka la phah jingtip lyngba ka phone sha kiba ha ïing ba ka don hapdeng ka jingma bad ka la pan jingiarap kumta kiba ha ïing ki la leit ban ujor ejahar ha Jalukbari Police Station.
La iathuh kane ka longkmie ka don ka met ba koit ba khiah hynrei ki dang tohkit bniah ban lap ia ka daw kumno ka wan poi sha Shillong na Guwahati.
You may also like
-
Rai ka Sorkar ban pynhiar dor ka tender na bynta ka Polo Market Complex
-
Pynshna iing ki nong Germany ia ka longing baduk ha Khliehmyntriang
-
Khynra kali ki pulit ha sor Shillong, ioh lum kuna palat T.2 lak ba pynkhein ain
-
Iaid paidbah ha BJP ha Shillong, pynrem ia ka Congress bym kyrshan ia ka Womens Reservation Bill
-
Dawa ka HANM ban pynkhlain bor pahara ban shngain ki paidbah ha khappud