Ki Pulit ka East Khasi Hills ha ka sngi Saitjain bad sngi u Blei ki la pyllong ka jingkhynra ia ki nongniah kali ha nongbah Shillong kiba mlien ban dih kyiad, bad kiba niah khlem biang ki kot ki sla. Ha kane ka jingkhynra, ki pulit ki la ioh bat haduh 194 ngut ki briew kiba pynkhein ia ka ain niah kali ne ka Motor Vehicles Act bad ki la ioh ruh ban dain kuna haduh T.2,46,000.
Ia kane ka jingkhynra la pyllong ha ka thain Kashari, IGP, Dhankheti bad ha kiwei kiwei ki jaka ka nongbah Shillong hapoh ka jingialam jong u Superintendent of Police, EKH, u SP City bad Traffic bad u Additional SP Traffic. Ki pulit ha kine ki sngi, ki la khynra ruh ia ki kali kiba tah iit iong, kiba iaid khyllew, kiba modify ia ki kali.
Kane ka sienjam kaba la shim ki pulit, ka long ban wanrah ia ka jingbud ryntih ia ki kyndon niah kali khnang ban lait kano kano ka jingma ia ki bad kumjuh ia ki briew kiba leit kiba wan.
You may also like
-
Kem ki pulit Mawkyrwat ia u runar na Gujarat ba ‘Blackmail’ ia ka samla haduh ban pyniap ia lade
-
Ka jingialang ki ‘Scouts & Guides’ban kyntiew ka jingiatreilang ha ka imlang sahlang
-
Yn pyntreikam ia ka ICCC ha jylla kum ha Telangana: Conrad
-
Hadien ka jingtwa surok Laitlyngkot Bthah u ADC ban iaid noh na surok Laitlyngkot-Umthli-Laitkynsew
-
Ka Jylla kan leit iakren bad ka sorkar Pdeng ban pynjynsur ia ka Mining Lease ban tih dewiong