U Symbud Myntri Rangbah bad National Vice President ka National People’s Party (NPP) Bah Sniawbhalang Dhar hynne ka sngi ula ong ba ka party kam pat shim rai ia u kyrtong na ka bynta ka shuki MP Rajya Sabha, hapdeng ka jingnang sawa ka sur jingkyrshan ha ri-lum Garo ia u Myntri barim James PK Sangma.
Haba kren shaki lad pathai khubor u Bah Sniabhalang ula ong ba kam don jingeh ia ka jingpynpaw kyrteng jong u James, hynrei ula pynshai ba ka Party kan sa iakren bniah ia kane ka kam hadien ba kut ka samoi treikam u MP ba mynta.
“Ngin dang ban shim ia ka rai. Ai ba ka samoi jong u kan kut shuwa bad ngin sa ia shong kum ka party” ong u Bah Sniawbhalang haba thew sha u MP ka Rajya Sabha ba mynta Dr WR Kharlukhi. “Nga tharai ka samoi treikam jong u kan kut ha u bnai Jylliew hynrei ngam pat thikna bha” la ong u Bah Sniawbhalang.
U Dr Kharluki ula shah jied kum u MP ka Rajya Sabha ha u bnai Jylliew 2020. Ka samoi treikam u MP Rajya Sabha ka long hynriew snem.
Haba kylli la ka jingjied kyrteng ka dei ban leit sha u Nongialam na kano kano ka thain, u bah Sniawbhalang ula kyntait ia kane ka jingthmu ban iapyrkhat da ka thain.
“Ngim ju iapyrkhat da ka thain” ula ong haba bynrap “Kaei kaba ka party ka sngew iahap ngin iaid da kata namar ka dei ka rai jong baroh lang ym ka rai jong uwei u briew” ula ong.
You may also like
-
Ka Mawlong Nongtluh Weaving Center kan ai jingkyrshan ïa ki nongthaiñ jaiñ ka thain
-
Byrthen ïakhih ka KSU lada ym urlong ki 5 tylli ki mat jingdawa, kynthup ban pyndam ïa ka public hearing ka Shree Cement
-
Hukum ka Meghalaya HC ïa ka KHADC ban thung biang ïa u Ainam Manik kum u Syiem ba pura ka Hima Mylliem
-
Hapdeng ka jingiphuh kut ka shad Behdeiñkhlam ka Seiñraij Ialong
-
Hadien 2 bnai, ïaid biang ki kali harum Laitlyngkot, buh pulit ban shngaiñ ki paidbah