Shibun ki jingmyntoi ba ioh na u siej, tang khyndiat kiba kamai ha jylla

Ka Meghalaya ka pynmih bun u siej hynrei namar bym don ki karkhana ba biang hapoh ka jylla ia u siej la hab shalan bad pyniaid iew shabar jylla bad kane ka wanrah ia ka jingduh jingmyntoi ia ki trai jylla.

Na u siej lah ban ioh shibun ki jingmyntoi lada ngi nang ban pyndonkam kata ban thain jingthain, shna iing, shna sboh bad ruh ban bam ia ki siej lung ba dang shylluid

Ia u siej baroh baroh la pyndonkam ban shna iing bad ker jingker bad kham bun ha ri Khasi la pyndonkam thain jingthain kiba bun jait kynthup ki khoh, ki trap, shang, knup, prah, shylliah bad kiwei kiwei.

Kaba ar ka jingmyntoi ba ngi ban ioh na u siej nalor ka thain jingthain ka long ka sboh bad u rnga hynrei ki dang duna kiba pyndonkam ban thang rnga bad kumjuh ban pynlong sboh namar ki dang pahuh ki dieng ban thang rnga bad kumjuh ka sboh eit masi bad kiwei.

Kaba lai ka jingmyntoi ka long ia u siej la shet bad bam ia ki lung siej dang shylluid kum ki jhur, nalor ba shet jhur ia ka lung siej la ju pdem ne shet ashar bad thad tyrkhong bad kiwei kiwei.

Kumta u siej u long uba kordor namar shibun ki jingmyntoi lah ban ioh lada phi nang ban pyndonkam nalor ban bam ia ki lung siej kiwei ki jait jhur bad ki rukom thain jingthain bapher bapher. Hynrei don pat ki bym nang pyndonkam u siej shu sep sei khem myntoi.

Ka Sorkar Meghalaya ka la pyntrei ia ka Meghalaya State Bamboo Mission (MSBM) da ka jingthmu ban ithuh ia u siej kum u mar khaii na ka bynta ban pynmih ïa ki lad kamai, ka jingpynïahap ïa ka mariang, bad ka jingpynmih karkhana ha ki thain nongkyndong. Kane ka mission ka long katkum ka National Bamboo Mission (NBM) kaba hap hapoh ka tnad Agriculture & Farmers Welfare ka sorkar India.

Ka mishon ka don ka bynta bakongsan ban kyntiew ia ki jingthmu ha ka ioh ka kot kaba jyrngam, ban pynbha pat ki jaka ba la jot, bad ban ai ki lad kamai ban ialeh pyrshah ia ka jingkylla ka suin bneng. U sohjew, namar ba u dei u marpoh khyndew uba san stet bad uba lah ban pynthymmai, u long kum ka lad kaba biang bha na ka bynta ki mar ba la shna na ki dieng bad ki plastic.

Da kaba pynkhlain ia ka mariang jong ki siej ha Meghalaya, ka mishon ka iarap ban pynmih kam, ban seng kam seng jam, ban pynroi ia ki sap, bad ban kyntiew ia ka imlang sahlang baroh kawei jong ki nongshong shnong nongkyndong.