Ka ophis jong ka District Hub for Empowerment of Women ha Ri-Bhoi District mynta ka sngi ka la ioh ban pynlong ia ka jingrakhe ia ka marked the International Day of the Girl Child kaba dei ka sngi kyrpang ki khyllung kynthei ia kaba la pynlong ha ka Prime Hub ha ka shnong Umdihar. Ka phang pdeng jong kane ka jingrakhe mynta u snem ka long “Girls’ Vision for the Future.” La wan ban ai mynsiem bad ban ia donlang ha kane ka program da u Bah Orville Isaac Massar (MPS), Deputy Commandant ka 6th Battalion kum u kongsan ha ka jingiadonlang ruh ka kong F.N. Sun, District Social Welfare Officer ka Kong S.M. Bang, District Programme Officer Ri Bhoi District, ka Kong Deborah Rapsang District Hub for empowerment of women nalor ki longkmie, ki khyllung khynnah bad ki samla shnong ka shnong Umdihar.
Haba kren ha kane ka sngi, kum u kongsan, u Bah Orville Massar u la pynpaw ia ka jingkmen kaba khraw ban ia don bynta lang ha kum kine ki jingrakhe kiba kyrpang khamtam ban ai ia ki jingtip jingnang ia ki samla khamtam ki khyllung kynthei bad ruh halor ka jingdonkam ban ai mynsiem da ki kmie ki kpa ia la ki khun ki kti. Lyngba ka jingkren jong u, u Bah Massar u la kdew shai ruh halor ka jingktah kaba shyrkhei jong u drug ia ki samla bad kaba kham kongsan ka long ka jingshah ktah ka jingmut jingpyrkhat lane ka Mental Health Challenges kaba dei kawei na ki jingpang kaba kanktah bha ia ki samla.
Ha kane ka jingrakhe, la ioh ban ai jingshai ruh halor ki mat kiba kongsan kiba kynthup naduh ka jing armet ha ka por bym pat dei (teenage pregnancy and education), nalor ka jingdonkam jong ki Shnong ki thaw ban ia treilang ban ia kren halor ki mat kiba la ktah bha ia ki samla nalor kiwei kiwei.