Ka Chiled Friendly Shillong hynne ka sngi ka la pynshai ia ki paidbah ba donkam ban phong jingda khlieh ne Helmet ia baroh kiba shong ar shaka kynthup ia ki khynnah rit. Ka Child Friendly Shillong ka la pynlong ka jingialang ban pynshai paidbah ha Don Bosco Square, ha Laitumkhrah, Dhankheti bad Fire Brigade.
Ki la pynshai ka ain kam dei tang na bynta ki rangbah hynrei khamtam na ka bynta ki khynnah, ha kane ka sngi la pynshai kumno ki jingdakhlieh ki lah ban iada na ka jingmynsaw haba don ka jingiatyngkhuh kali. Ha kane ka sngi la pynlong ka jingiasoi paidbah kum shibynta ban kyrshan ba kin iai bteng ban ialap pynshai da kaba tah poster ha ki jaka pule kynthup ki skul, Kolej bad ki jaka paidbah.
Ia kane ka prokram la pynlong da ka jingiatreilang ka tnad pyniaid kali pulit, na ka tnad pule MSW ka St. Edmunds kolej, ka tnad pule Social Work Martin Luthur Christian University, IIPS, ka tnad MSW William Carey University bad tnad Women’s Kolej.
You may also like
-
Ryngkat ki lama iong iaid Rally ka KSU, shah thang bad pynjulor ki kali sorkar, khang bun ki dukan
-
Buh mawnongrim u Bah Renik ia 2 tylli ki projek ha Jakrem
-
Lai tylli ki shnat treikam pynkha ka KSU
-
Plie u MR ia ka Solar Photovoltaic Plant ba 50 KW ha St.Mary’s
-
Khynra bad khang dukan kiad ka Seng Longkmie, HITO bad JNC