Buh Mawnongrim u MLA ban tei iing skul jong ka Pahamrioh Govt. LP Skul

U MLA ka Nongpoh u bah Mayralborn Syiem u la leit ban buh mawnongrim na ka bynta ban tei building thymmai ia ka iing skul jong ka Pahamrioh Government LP School, kaba la rim bad kaba la don hapdeng ka jingeh kaba khraw naka jingjot rathai jong ka iing skul.

Ïa katei ka building thymmai yn tei ha ka jinglut ba 70.18 lak tyngka ba la mang lyngba ka Mission Education jong ka tnad pule puthi ka sorkar jylla.

Ha kane ka sngi, nalor u Bah Mayral Born Syiem, kum u kongsan la ïadonlang u Dr. Abhishek Saini, Deputy Commissioner ka Ri-Bhoi, Bah R. Shadap, DSEO Ri-Bhoi, P.P. Yadav, SDSEO, Bah N.N. Ryndong, Rangbah Shnong bad Chairman ka SMC, ki nonghikai, ki kmie ki kpa, ki khynnah skul bad ki nongshong shnong.

Kum ban shu pynkynmaw ïa katei ka skul la seng nyngkong daka Jingïaseng kynthei jong kaba Balang Presbyterian bad la aiti pat sha ka District council ban pynïaid bad hadien nangta la ai pat sha ka Sokar ban pynlong ia katei ka skul kum ka skul sorkar.

Naduh katei la sngi, ka skul ka la sdang kiew na kawei kapor sha kawei pat ka jingdon jingem jong katei la skul ka la sdang ban duh bad sdang ban jot namar ka jingrim jong ka iingskul bad dei lyngba ka jingtreishitom jong u MLA ka Nongpoh u bah Mayralborn Syiem ban pynrung iaka kyrteng jong katei ka skul ha ka skim ban pynioh iaka building thymmai ïa kaba la ioh bam buh mawnongrim noh mynta ka sngi bad iaka kam yn sa sdang trei noh shen.

Ha kane kajuh ka sngi naka liang u MLA u la pyndep ruh ia kawei ka kam kaba pynmyntoi ïaki paidbah ka Pahamrioh dakaba aiti syndon iaka work order kaba 6 lakh tyngka naka bynta ban tei iaka iing dorbar bad iaka pisa kaba 30 hakar tyngka ban pynbha iaka lynti iaid kjat ryngkat kiwei kiwei ki jingiarap.

Ka jingtei ïa ka building thymmai ka long ka sienjam kaba kongsan ban pynbiang ïa ka jaka pule kaba shngaiñ bad bit biang ïa ki khynnah, khamtam ban ïada ïa ki na ka jingeh kaba mih na ka jingjot jong ka iingskul kaba rim bad na ka jingshah ktah ha u slap bad ka lyer.

Haba kren ha ka jingïalang, u Bah Mayral Born Syiem u la ong ba ka Mission Education jong ka Sorkar Jylla ka don ka thong ban pynbha bad kyntiew ïa ki skul sorkar kiba la jot bad donkam jingïarap ha kylleng ka jylla.

U la pynpaw ruh ba ka pule puthi ka long kaba kongsan khamtam ïa ki khynnah kiba wan na ki longing kiba duna ka ïoh ka kot. Ka jingdon jong ka skul hapoh ka shnong ka pynsuk ïa ki khynnah ban ïoh ïa ka jingnang jingstad khlem da hap ban leit jngai.

U MLA u la ong ba ka Pahamrioh Government LP School ka la ïakynduh bun ki jingeh ha kaba ïadei bad ka jinglong jong ka building, bad kumta u la shimkhia ban rah ïa ka mat sha ka Sorkar ban pynmang pisa na ka bynta ka jingtei ïa ka building thymmai. shngaiñ, kham bit bad kham biang na ka bynta ki khynnah jong ka shnong Pahamrioh.