U MP Rajya Sabha ba marwei jong ka Meghalaya, u James PK Sangma u la pynthikna ia ki nongshet ja skul kiba trei hapoh ka skhim PM-POSHAN ba un rah da lade ia ki jingeh jong ki hakhmat ka Sorkar Pdeng.
Ki nongshet ja skul kila dawa naka Sorkar Pdeng ban ai jingithuh ba pura iaki bad ban kyntiew iaka bai nong kaba kidei ban ioh man u snem.
Kane ka jingkular u MP Rajya Sabha ka wan hadien ba ka Union of Cook-cum-Helper PM POSHAN Meghalaya kala pynbna ban leit trei tang shi sngi haka shi taiew tad haduh ba u Myntri Rangbahduh u jubab iaki mat jingdawa.
Da kaba pdiang ïa ki jingeh ba ki nongshet ja skul ki kynduh, u James PK Sangma ula ai ka jingkular ba kum u nongmihkhmat jong ka Meghalaya ha Parliament, un pyntip sha ka Sorkar Pdeng ïa ki jingshisha bad ki jingeh kiba ki nongshet ja skul ki ïakynduh.
U James ula pynpaw ba un kyrpad bad pynbor jur ïa ka Sorkar Pdeng ba dei ban peit ban pyrkhat bha ïa ki jingdawa jong ki nongshet ja skul.
Ula kular ruh ban iakren bad ka Sorkar Pdeng hab iadei bad ka bai nong thymmai ban ai iaki nongtrei jong ka PM-POSHAN.
You may also like
-
Ka VPP kan jop biang ia ka ilekshon MP, ngin knieh ia ka bor synshar ha u 2028: Bah Ardent M Basaiawmoit
-
Ka jingpyndonkam ia ki kor Digital kan iarap ïa ki khynnah ha ki jingpule: Lahkmen
-
U Bah Hek u dei tang MLA um dei u President BJP, ym don MLA NPP ban leit iasoh BJP: Prestone
-
Ki MLA na Khasi bad Garo ki kwah rung BJP, hynrei dang duna number
-
Da ki hajar iaid kjat ki Babu LP na Pynthorumkhrah sha ophis NPP