Ka Sorkar Jylla kala pynkhreh iaka mang tyngka naka bynta ban maramot bad siang rong thymmai iaki surok ha ka nongbah Shillong kum shi bynta ka jingpynkhreh ban pynbha bha hashuwa ka nongbah kan pdiang iaka lympung National Games 2027.
Ia kane la pyntip da u Symbud Myntri Rangbah ba khmih iaka tnat tnat PWD (Roads), u Bah Prestone Tynsong bad ula iathuh ba la dep ban pynmih ia ki work order kiba kot sha ka T.45 klur na ka bynta ban siang rong thymmai ia ki surok ha nongbah Shillong kiba hap hapoh ka Central Division.
Haba kren shaki lad pathai khubor u Bah Prestone ula ong “La pynmih ia ka Work order kumba T.45 klur na ka bynta ban siang rong thymmai iaki surok ha nongbah Shillong, kaba hap hapoh ka Central Division”.
U Bah Prestone ula ïathuh ba u la bthah ruh ïa ka Bypass Division ba kan pynbiang ïa ki jingkheiñ jingdiah na ka bynta ki kam maramot, kynthup ïa ka surok bah National Highway.
“Nga la bthah ïa ka Bypass Division ban trei ruh, kynthup ïa ka National Highway, hangno hangno ba don ki thliew lane hangno hangno ba donkam ban siang rong thymmai, ki hap ban aiti ïa ka jingkheiñ jingdiah,” u la ong.
U Bah Prestone u la ong ba ka Sorkar ka kut jingmut ban pynthikna ba ka jingpyniasoh surok ha baroh kawei ka nongbah Shillong bad ki shnong ba markhap jong ka nongbah Shillong ka long kaba la pynkhreh bha shwa ka National Games.
“Ngi kut jingmut ban pynthikna ba ka jingpynïasoh surok kaba ngi don ha baroh kawei ka nongbah Shillong hashuwa baka nongbah kan pdiang iaka National Games 2027”, u la ong.
You may also like
-
Ïashim bynta u Lat ha ka Jubili Ksiar ka Wangala Festival
-
Hiar arsut ka ïoh ka kot ba shim ram ki briew ba don ha ka bor
-
Lada ka sorkar ka kwah ïakren ïa ki mat sahteng, kren hakhmat ki Camera : KJDSTA
-
Lieh ka sor Shillong bad jur ka dheng kali na ka jinghap phria
-
Sdang ka KJDSTA ia ka jingiakhih da kaba sangeh hikai kaba khlem buh por
