Haka jingialang ialap election ka party congress naka bynta ka By election MP Lok Sabha kaba la pynlong mynta ka sngi 13 tarik ha Iawmusiang Jowai bala donlang u MP barim ka Rajya Sabha u Dr.Wanweiroi Kharlukhi, ki MDC JHADC u Madonbai Rymbai bad Rikut Pareiñ, u Emlang Laloo kyrtong congress na Nartiang Constituency bad kiwei lem ka jingsakhi ki paidbah ba bun, u kyrtong MP bah Vincent H Pala haba ai jingkren u ong bala dei ka por ban kylla thiah kylla dem namar baka BJP ka khñiot beiñ ia u paidbah da kaba wanrah iaki aiñ bapher bapher kiba ktah mationg khamtam iaki rit pait ba kynthup kum ka FCRA, ka freedom of religion ne Anti conversion bill, ka Uniform Civil Code bad kiwei.
Haka jingiadei bad ka ioh ka kot u ong la hiar arsut, ka daw dei ba jur ka shimram da ki briew ba don haka bor namar mynta kat kaba ki leh ki shim beit daka ram khlem pyrkhat shuh iaka lawei.
U ong kumba jia haka sorkar Jylla haka sorkar India ruh kajuh, 26% naka jingpynlut ka sorkar India baroh kawei ka long tang ban siew iaka ram.
Bad haka jingleit jong u kylleng kylleng ki jaka u lap ba ki briew kat nangslem ki nongduh ka daw dei bala jur palat ka jingshim ram, kaba ar u ong dei namar ba ka pisa ba ki shim ka leit tang shaki katto katne.
U pynksan ruh iaka Congress da kaba ong ba haka por ba synshar maka, ka shna iaki policy naka bynta kiba duk, kiba riewspah, ki ritpaid bad kiwei.
Shuh shuh u ong kumba ka pule puthi dei kaba donkam tam hynrei ka BJP pat kumba long mynta kam shem la shimkhia naka bynta ka jingmyntoilang salonsar.
U kynnoh ruh ba na ka jinglehthok ka BJP bun ki jaka ba dei ban jop ka Congress ruh kala duh noh. Na kata ka daw hadien ba ka Congress kala lap iaki kam buittuh ka BJP kila iamih ban pyrshah iaka ha kylleng. Bad ong ruh ha u 2029 kan ym lah shuh ban thok.
U khot kyntu iaki paidbah ban shimkhia ia kane ka election bad lada na Meghalaya ngin sdang ban kyrshan iaka Congress da ka ban pynjop ruh ia u kum u kyrtong MP, u ong ka Congress kan nangioh mynsiem shuh shuh ynda poi u 2028, 2029.
“Haba hiar ka Congress ki paidbah ruh ki shah khñiot beiñ ha kaba nalor ba hiar ka ioh ka kot haka Ri bad Jylla kiba shim kabu ki pynjot ruh iaka pule puthi, ka riti dustur bad kiwei. Bad ynda wan ka Congress kan sa tei tei biang”. Vincent H Pala.
You may also like
-
Ïashim bynta u Lat ha ka Jubili Ksiar ka Wangala Festival
-
T.45 klur mang ka sorkar ban maramot ïa ki surok ha Shillong, shwa ka National Games
-
Lada ka sorkar ka kwah ïakren ïa ki mat sahteng, kren hakhmat ki Camera : KJDSTA
-
Lieh ka sor Shillong bad jur ka dheng kali na ka jinghap phria
-
Sdang ka KJDSTA ia ka jingiakhih da kaba sangeh hikai kaba khlem buh por
