U Myntri Rangbah ka Jylla u Conrad K Sangma hynne ka sngi ula plie ia ka AI Job Fair ba nyngkong ha jylla ba pynlong da ka tnad IT&C, ka Sorkar Jylla ryngkat ka jingiatreilang bad ka Shamrock AI, ka tnad pule puthi bad ka MSSDS, Meghalaya.
Haba kren ha ka jingialang u Conrad Sangma ula ong, ka AI Job Fair ka la urlong hadien ka jingiaid lynti 18 snem da ka jingthmu ban don ia ka sawdong sawkun jong ka IT ha Meghalaya.
“Ka dei ka lynti iaid ba jrong naduh ka jingpyrshang jong nga ha ka jingsengkam lajong ha u snem 2008 bad mynta ka AI Job Fair bad ka thong ka long ban wanrah ia ka jingkylla na ka jingpyrshang ba shisien ia ka jinglong jingman ba iar bad ban pynkylla ia ka Shillong bad Meghalaya sha ka ‘AI Valley’ ban wan” ula bynrap da kaba ong ban tei ia ka jinglong jingman ba khlain ne ban kyntiew ia ka shlem IT ka donkam palat ban ia ka jingtei ia ka Technology Park ba donkam ia ka bording, jingpyniasoh bad ki jingtei ia ki jaka sah.
U Myntri Rangbah ula pyntip ba ka sorkar ka thmu ban saindur ia ki sap ki phong lyngba ki jingkynshew tyngka ha ki briew bad ula kyntu ia ki jaka pule ba kidei ban iaid ia ki jingpule katkum ka jingdawa jong ki karkhana bad ki jaka ai jinghikai ki donkam ban iaid palat na ki jingpule kiba mynta ban pynkhreh ia ki samla na ka bynta ki kor teknoloji kiban dang wan.
U la ong ba ka sorkar ka kut jingmut ban tei ia ka sawdong sawkun kaba iadei bad ka teknoloji ban pynlong ia ka Meghalaya ka jaka kaba khring ia ki nongkynshew tyngka bad ka jingleh ia ki kam kiba long thymmai.
U Myntri Rangbah ula ong, ba ka AI Job Fair kadei tang ka jingsdang na ka byntya ki sienjam kiba heh kiban dang wan bad ka banjur ba ka jingseisoh ka n shong eh ha ka jingtei ia ki jingiatreilang kiba jylliew bad ki khynhun iatreilang kiba lah ban don ia ka jingshaniah.
Ka Meghalaya ka thmu ban iashimbynta shitrhem ha ka ioh kak ot kaba la ialam da ka AI, ym tang da kaba pyndonkam ia ki kor teknoloji hynrei kum ka tyllong jong ki briew kiba tbit bad kiba don ia ki sap ki phong. Ia mynta hi ka kabu ka long ha ki 125 tylli ki kyrdan kiba lait.
You may also like
-
Ka MeghGo App kan iarap ia ki nongniah kali bad ki paidbah nongleit nongwan
-
Hiar kynsan ka Helikoptar ha Kongripa, ioh shon dur ei ki longkmie bad Pilot
-
Ha kajuh ka jaka lah ban rep bun ki jingthung, kamai T.8 lak u nongrep jhur ha Garo Hills
-
Kylla jaka thung Citronella bad Lemon Grass ki jaka bashah ktah na ka tih dewiong ha SGH
-
Tohkit ki pulit halor ka jingshah byrngem u Vlogger
