Rah u Samuel ïa ka nam Nai Khatsaw Synñia, ka Phibahunshisha ka Lukhimai

U samla Samuel Shylla bad ka samla Phibahunshisha Ryngkhun ki la iohrah ia ka nam Nai Khatsaw Synñia bad Lukhimai, jong ka tamasa Na Thymmei Festival kaba ar sngi ba la pynlong da ka Seng Khasi Kmie, Shillong, ha lympung Weiking Jaiaw.Katba u Pyndapborlang Sawkmie bad u Dawankhraw Kharsyntiew ki la wan baar bad balai na ki shynrang. Na ka liang ki samla kynthei pat la wan ba ar bad ba lai da ka Batriti Myrthong bad ka Darityngkai Khonghat.Ha kane ka jingiakob la don mar 15 ngut ki rang bad ki thei samla na kylleng ka bri u Hynniewtrep, kiba la wan ban iashim bynta. Sa kiwei ki khusnam ba la sam ha kane ka sngi u Ïalamjingshai Mylliem u la rah ia ka nam  Best Smile, u Easy Bor Sawkmie : Best personality, u Baniaineh Dkhar : Best Speaker, u Ridabiang Sungoh : Best Ramp Walk, katba u Erickson Kurbah u la rah ia ka nam Best Attire.

Na ka liang ki kynthei pat, kiba la rah ia kine ki khusnam ki kynthup ia ka Poikimon Suiam kaba la rah ia ka nam  Best Smile, ka Sanki Akor Tangsong : Best Personality, ka Balarisha Marbaniang : Best Speaker, ka Iadarisha Kharkongor : Best Ramp Walk bad ka Sakani Kyndiah ka la rah ia ka nam  Best Attire. La pyn-i-bang bad ban pyniapbiej shuh shuh ia kane ka janmiet da ka jingiaid pyni ki hep barit ha la ki jong ki jong ki riam ba tynrai  ka jong ki, kaba da pyni shongkun shisha ia kane ka tamasa.

Ha kane ka janmiet jong ka jingiakob bad ba pynkut ia kane ka tamasa la wan ban ia sakhi lang  da u bah Cyril V. Darlong Diengdoh, IAS, Secretary ka sorkar Meghalaya bad u Swapnil Tembe, IAS, Director of School Education and Literacy, sorkar Meghalaya.Nalor kata la sakhi lang ruh da u President Seng Khasi Kmie Rgh O. Pyngrope, u Dolloi ka Elaka Jowai u ma Puramon Kynjin, ryngkat bad u paidbah byllein uba la hiar ban sakhi ia kane ka tamsa mynta ka snem