Hapdeng ka jingpahara jur ki pulit hynne ka sngi la plie biang ia ka surok na Bimola lyngba ka Them Motor ban poi sha Anjali hadien ba la khang la palat hynriew snem na ka jingjia shah shoh u nongbud ia ka bos saw ha katei jaka ha u 2018.Lah ban kdew ba ka Sorkar Jylla ka la khang noh ia kane ka surok ha u bnai Jymmang 2018 hadien ba mih ka huri hura pyrshah iaki jaidbynriew Harijan.
Ha kane ka sngi plie biang iaka surok, la iohi ba ia kane ka surok la shah ban iaid kali tang shilliang (One Way), kata tang ki kali ba wan naki thain Anjali ban iaid lyngba ka surok Them Iew Mawlong ban mih sha Bimola Junction. Watla, la plie paidbah iaka surok hynrei, iaki Bos Saw haduh mynta ym pat shah ban iaid bad ki hap ban iaid sha Garikhana lada ki kiew sha Motphran.
Lah ban ong ba kane ka surok ka dei kaba kongsan bha ha Shillong khamtam ha ka thain Iewduh, kaba khapngiah ki surok bad ba jur bha ka jingdheng kali bad naka liang ki bor District ka East Khasi Hills, kila pynksan ba la plie ia kane ka surok ban pynduna ia ka jingdheng kali.