U Myntri ka tnat Tourism u Bah Paul Lyngdoh ula kyntait ia ki jingkynnoh ba pynshong nongrim ia ka jingkhlad u samla na ki kali bud ia ki heh Sorkar kaba la jia ha ka janmiet 15 tarik Naiwieng hajan ka ICAR. Haba kren sha ki lad pathai khubor u Bah Paul ula ong, “Ka long kaba bakla ban pynshong nongrim bad ka kolshor VIP, da kaba ong ba katei ka jingjia kam don jingiadei bad ka kynhun kali ba bud ïa u ha ka por ba u leit sha ka tamasa Cherry Blossom”.U Bah Paul ula ong, ba ka jur bha ka jingdheng kali ha kato ka sngi bad kane kam ai lad wat ia ki kali bud ia ki heh Sorkar ban pynher sted ia ki kali.
“Ka kynhun jong u Myntri Rangbah ka Jylla, kaba la buh por ban poi ha Madan Kurkalang ha ka 6:30 janmiet hynrei ki poi haduh 6:45 janmiet namar ka jingdheng kali. Ka kali jong nga ka don beit shadien jong ka kali jong u Myntri Rangbah” la ong u Bah Paul. U Bah Paul ula pynksan ba ka jingma jong kano kano ka kali pulit convoy kan tynrah ia u nongniah kali ka long kaba ym lah ban long namar ki kali kim ioh lad ban iaid sted namar ka jingjur ka jingdheng kali.
U la ong ka Sorkar Jylla ka hap ban bud ryntih ia ki katto katne ki kyndon haba pdiang ia u Myntri Sorkar pdeng. Hynrei ban pynshong nongrim ia kane ka jingjia aksiden bad ka kolshor VIP ka long kaba khlem nongrim”.
You may also like
-
Ka sain pyrthei ha jylla ka lah ban kylla
-
Ha Tura, Jowai bad Shillong yn pynlong ia ka Audition Miss Universe Meghalaya
-
Ka NCP kam ai lad ia ki bar jylla ban iakhun MDC ha GHADC
-
Ka jingiapher ki ktien kam dei ban wanrah ka jingiapait ha ka sain pyrthei
-
Ka jingkhang tih dewiong ka long kumba knieh pliangja kam long kaba suk: Conrad