Ki paidbah ka jylla hynne ka sngi ki la pynlong ia ka jingpdiang burom ia u Steve Jyrwa uba la iohrah ia ka nam lahduh ha ka India Best Dancer Season-4. U Steve Jyrwa u samla uba shong ba sah ha Nongmensong ula lah ban wanrah nam bad burom ia ka jylla lyngba ka jingjop jong u ha ka jingiakob shad ha ka rynsan ba heh ha ka ri India. U MLA ka Pynthorumkhrah u bah AL Hek ula pynpaw ia ka jingsngew kmen ia ka jingjop u Steve Jyrwa ia ka nam lahduh ka India Best Dancer Season- IV uba dei na konstitwensi jongu.
Haba kren sha ki lad pathai khubor, u bah Hek ula ong ba u dap da ka jingkmen bad ula sngew ba ka dei ka burom ia u, kum u MLA, ia ka konstitwensi, kumjuh ia ka shnong Nongmensong, ia kiba haiing hasem, ka jylla na bynta kane ka burom kaba la wanrah u Steve.
Watla ka jingpynkhreh ban pdiang burom ia u la buh ban pyllong ha ka por 2baje janmiet hynrei haduh ban da dum ruh khlem pat lah pyllong namar ba la bun palat kiba la pdiang burom ia u Steve ha lynter ter ter.
You may also like
-
Ka sain pyrthei ha jylla ka lah ban kylla
-
Ha Tura, Jowai bad Shillong yn pynlong ia ka Audition Miss Universe Meghalaya
-
Ka NCP kam ai lad ia ki bar jylla ban iakhun MDC ha GHADC
-
Ka jingiapher ki ktien kam dei ban wanrah ka jingiapait ha ka sain pyrthei
-
Ka jingkhang tih dewiong ka long kumba knieh pliangja kam long kaba suk: Conrad