Kyrmen u bah Kyrmen ban ïoh tih dewiong biang ka jylla

U Myntri sorkar jylla u bah Kyrmen Shylla u la pynpaw ia ka jingkyrmen skhem ba hapoh ka jingialam u Myntri Rangbah ka jylla u Conrad K Sangma, ka jylla kan sa ioh biang ban tih ia u dewiong ha kane ka jylla. Haba kren sha ki lad pathai khubor, u bah Kyrmen ula ong watla ia mynta ym pat lah ban pynurlong hynrei hap ban iaishah namar lada kam pat lah ban urlong mynta ka lah ban urlong lashai bad ha kawei ka sngi, yn ioh ban tih dewiong. “Ki paidbah ki don ka jingkyrmen kaba skhem hapoh ka jingialam u myntri rangbah ban ioh biang ban tih ia u dewiong,” ula ong.

U la ong ba mynta ki paidbah kila lah ban kam ba u dewiong u dei jong ki paidbah, bad kumjuh ka jaka ka puta. U la ong ba lada ym lah ban urlong mynta, ka lah ban long lashai ruh. U la ong ba hadien ba la sdang ia ka kam, yn sa tip khambha kumno ban pynbha ia ka rukom tih ia u dewiong bad kam mut ba ym lah ban leh khlem da pyrshang shwa. Ula ong, “Ngin sdang shwa ia ka kam bad ynda la pyrshang yn sa tip ia kiei ki jingeh bad kumno ban leh”, la ong u bah Kyrmen.

U myntri u la ong ba bun kiba la aplai ban ioh tih dewiong bad kane ka pyni ba kiba bun ki lah ban tih dewiong katkum ka juk stad mynta bad yn kham tip bha hadien ba kila sdang ia ka kam. Lah ban kdew ba ka jingtih dewiong ka la sangeh naduh u snem 2015 hadien ba ka kashari Supreme Court ka ri ka la khang ia kane ka rukom tih dewiong ha ka jylla, kaba la buh jingma ia ka mariang.