Ka General Secretary ka AICC ka Priyanka Gandhi Vadra ka kyrtong jong ka United Democratic Front (UDF) ka la jop da 4,08,036 vote ha ka ilekshon shiteng samoi ha Wayanad Lok Sabha seat. Kane ka jingjop ka lad banyngkong ia ka Priyanka Gandhi ban rung sha ka iing dorbar Parliament ka Ri India bad ka la pynpra ruh ia ka rekod u para jong ka u Rahul Gandhi uba la ioh 3,64,422 vote ha ka elekshon ba la dep ha Wayanad Lok Sabha ha u bnai Iaiong, 2024 .
Katba ha la ilekshon Lok Sabbha 2019, u Rahul Gandhi u la jop da 4.31 lak vote. Ka Priyanka Gandhi Vadra ka la ioh 6,17,942 vote, katba u kyrtong ka Left Democratic Front (LDF) ba iakhun pyrshah u Sathyan Mokeri ula ioh 2,09,906 vote bad ka kyrtong ka NDA ka Navya Haridas ka la ioh 1,09,202 vote.
Ha ka elekshon Lok Sabbha u bnai Iaiong 2024, u Rahul Gandhi ula pynliem ïa ka kyrtong ka LDF ka Annie Raja da 3,64,422 vote. U Rahul President barim ka Congress ula ioh 6,47,445 vote, katba ka Annie Raja ka kurim jong u General secretary ka CPI u D Raja na ka LDF ka la ioh 2,83, 028 vote bad u President ka BJP ka jylla u K Surendran u la ioh 1,41,045 vote.
You may also like
-
Wanrah ka sorkar ia ka IMA, ban ioh pyniaid ka ophis MR ia ki kam ha Jylla: Pala
-
Shen yn sdang ka sorkar ban pyntrei ia ka Project Bording ha Riangdo
-
Wad jaka ka Sorkar ban tei Central Jail ha Meghalaya
-
Lah ban shah pynduh tiket u kyrtong ka VPP na Nongstoin
-
Ujor sha Home Ministry ba byrngem ka KSP, ong u Bah Titos