Plie u MR ia ka projek LMC ban pynbiang bor internet nongbah Tura

Ban pynbiang ki lad shakri paidbah lyngba ki bor Internet hynne ka sngi, u Myntri Rangbah ka jylla u Conrad K. Sangma u la plie ka jingsdang pyntreikam ia ka “Fibre to Home Broadband” na bynta ka nongbah Tura lyngba ka projek Last Mile Connectivity (LMC). Ia kane ka projek LMC la sdang pyntreikam na ka ophis u Deputy Commissioner ban pynthikna ba ki nongshong shnong ha Tura kin ioh jingmyntoi lyngba ka Fibre to The Home (FTTH) Broadband lyngba ki Internet Service Provider (ISP) ka thaiñ ki ban thied pat na ka PowerTel ia bun tylli ki Broadband.  Kane ka projek, kan treikam da kaba pyndonkam da ka Optical Ground Wire (OPGW) bad la pynkhlain da ka International Internet Gateway (IIG) project ha kaba ka IIG kan ai jingkyrshan ia ki sienjam ba la shim da ki Tech Park ha ka jylla pynstet ka rukom treikam ha ka jinglut ba duna bad ba shngain ia ki kynhun kiba treikam ha ki Tech Park.  U Conrad ula ong, ka sorkar kan pynbiang ia baroh ki jingshakri sha ki nongshong shnong ha ka jimgkhuid bad kaba duna ka jinglut.

U la bynrap ka sorkar ka shimkhia ban pyniar ia ka jingpyndonkam Internet na ka bynta ki nongshong shnong ka jylla bad wat ia ki jaka treikam sorkar ha ki thain kyndong ka jylla.“Ka sorkar ka pyndonkam ia ka Optical Ground Wire (OPGW) jong ka Meghalaya Power Transmission Corporation Ltd. (MePTCL) ryngkat ka jingiatreilang bad ka Power Grid Teleservices Ltd, ban weng ia ki jingeh ban ai jingshakri lyngba ki kor internet” ong u Conrad. Ula ong, ka OPGW kan long u budlum ba khlain ia kaba ka Last Mile Connectivity (LMC) yn pynbiang ia ki nongpyndonkam hapoh ka Jylla bad ka sorkar ka don jingthmu ban pynïar ïa ka OFC Connectivity na ka OPGW sha man la ki Block Head-quarter (BHQ), Sub-Divisional Head-Quarters (SDHQ) bad District Head-Quarters (DHQ) bad kiwei kiwei ki ophis.

Ha ka wat banyngkong jong ka LMC project, 30 tylli ki Administrative Head-Quarters kin ioh ia ka jingpyniasoh kynthup ia ki 9 tylli ki District Head-Quarters, 1 ka Sub-Divisional Head-Quarters bad 20 tylli ki Block Head-quarter.