U Symbud Myntri Rangbah ka Jylla u Bah Prestone Tynsong uba khmih iaka tnat kam pohing u la pyntip ba ka Sorkar Pdeng bad ka Sorkar Jylla, kila peitngor bha ia ka jinglong jingman ha khappud hadien ka jingiohi ia ka jingwan her ka drone ki shipai Bangladesh.
Lah ban kdew ba dang shen la ïohi ba ka drone Bangladeshi Bayraktar TB2 Unmanned Aerial Vehicle (UAV) kala wan her ha khappud ka thain Sohra bad Shella, East Khasi Hills District. Haba kren sha ki lad pathai khubor u Bah Prestone u la ïathuh ba ia kane ka drone la iohi marjan ka Sohra bad Shella, kumba 200 meter shathie jong u zero line.
“Ka Sorkar Jylla ka la peitngor bad kala pyntip beit ia kaei kaba jia sha ka Sorkar India halor kane ka kam bad ka Sorkar India ruh kala shimkhia bha ia kane. Kumjuh, kum ka Sorkar Jylla, ngi la leh iala ka jong ka kamram” u la ong. U Bah Prestone u la ïathuh ruh ba u la bthah ia u Chief Secretary bad ia ka Director General of Police (DGP) ka Jylla ba kin shim ia ki sienjam ba donkam halor kane ka kam.
You may also like
-
Ryngkat ki lama iong iaid Rally ka KSU, shah thang bad pynjulor ki kali sorkar, khang bun ki dukan
-
Buh mawnongrim u Bah Renik ia 2 tylli ki projek ha Jakrem
-
Lai tylli ki shnat treikam pynkha ka KSU
-
Plie u MR ia ka Solar Photovoltaic Plant ba 50 KW ha St.Mary’s
-
Khynra bad khang dukan kiad ka Seng Longkmie, HITO bad JNC