Kum shibynta ban ialeh kmen lang lem bad ki longiing ba duk bha kane ka aiom Khrismas, ki nongialam ka HANM, Western Ri Bhoi mynta ka sngi ki la leit ban sam da ki jain syaid bad jain kup sha ki 23 tylli ki longiing ha ka shnong Mawsmei Them ha ka thaiñ Jirang.
Ha kane ka sngi, na ka liang ka HANM la lamkhmat da u samla Sumar Lyngdoh, President lem bad ki dkhot ki la lum la lang ia ki 23 tylli ki longiing khamtam kito kiba la kham san ha ka rta ban lehkmen lem bad ki ia ka jingpdiang ia ka aiom Khrismas kum ka jingpdiang burom ia ka jingwan long briew jong u Trai Jisu Khrist ha ka prokram ba la long hapoh ka Iingdorbar jong ka Mawsmei Them.
Na ka liang u Samla Sumarlang Lyngdoh, u la pynpaw, ba ka seng hi man u snem ka ju shim ia kane ka lad ka lynti ban ia leh sngewbha lang bad kito ki longiing kiba kham duna ka jingioh jingkot ban leh kmen lang ha kane ka aiom Khrismas ha kaba ka seng ka ju ai mynsiem ban pynkmen ia ki longiing longsem jong kane ka thaiñ Ri Bhoi Sepngi.
Shuh shuh ruh, na ka liang ka HANM ka la phah ia ka khubor kitbok kitrwiang ia baroh ki paid nongshong shnong ka Ri Bhoi Sepngi ha kane ka aiom Khrismas bad ruh ban pdiang ia u snem thymmai baduk bakmen bad ba pahuh pahai ha ryngkat ka Koit ka Khiah.
You may also like
-
Dawa ka AJMW&LU ban siew tulop 10 tarik namar ka Behdeiñkhlam
-
Ai burom ia u shipai ba la shongthait bad kaitor ba pawnam
-
Leit tur kyndit ka COMSO ha Secretariat ban dawa pyntreikam ILP
-
Pynkup burom ka NPWF ia ki longkmie ha ka sngi rakhe ‘Mother Day’
-
Pynïasoh UDP palat spah ngut ki nongïalam na kiwei ki party