Kyndit ki kmie ki kpa ia ka sap kyrpang ki khun ha ka ‘Parents Day’ ka FGEM HS skul

Kum ka jingpynshlur ia ki khun bad ban pyni ia ki sap ki phong ka FGEM Higher Secondary School Nongspung West Khasi Hills District ha ka 20 Nohprah, 2024 ka la rakhe ia ka Parents Day Cum Result Day ne ka sngi burom ia ki kmie ki kpa jong ki khynnah skul kiba pule ha kane ka skul. U bah W.D. Marngar, bah M. Nongsiej, bah GNS Marthong kiba long ki riewpaw khmat jong ka thain Nongstoin ki la long kum ki kongsan ha kane ka sngi, ha ryngkat ka jingiadonlang ki Nonghikai, ki khynnah skul, kmie ki kpa bad kiwei kiwei ki nongshah khot sngewbha. Haba kren kum ki kongsan na ka rukom pyni jong ki khynnah jong kane ka skul ki la iaroh bad sakhi mynta ka sngi ia ka skul kaba la lah ban kyntiew shisha ia ki khynnah skul kum kiwei ki skul ba kham paw ha nongstoin bad ai khublei ruh ia ki kmie ki kpa kiba la trei shitom ban kyrshan ban pynioh ia ka jingnang jingstad ia la ki khun kumjuh ruh ban pynsan ha kaba kynja mynsiem.ki khynnah skul kidei ban don ka thong ha ka jingim jong ki

La ioh ia ki kyntien sneng kyntien kraw na ki kongsan ia ki khynnah skul ba ki dei ban burom ia ki kmie ki kpa bad ki nonghikai bad ban don ka jingia treilang namar khlem ki kmie ki kpa kiba aiti ban phah skul ia ki khun ngim ym ioh kum kane ka sngi. Kaba long ka sngi kaba kyrpang bad sah kynmaw shi junom kum ka dak ban pynpaw ka jingburom ia ki kmie ki kpa. Ha kane ka sngi la pynphuh pynphieng pynshit rhem da ki jingrwai bad jingshad, bad kiwei kiwei na ki khynnah kiba pynshoh biej shisha ia ki kmie ki kpa ha katei ka sngi. kaba la iashim bynta da ki khynnah skul, nonghikai bad ki kmie ki kpa

U Bah K. Marngar Principal u la pdiang sngewbha ia ki kongsan baroh bad pynpaw ka jingsngewnguh ia ki kmie ki kpa kiba la ia treilang bad shaniah ha ngi ki bor pyniaid jong ka skul I la batai ba ka skul nalor ka thoh ka pule ka ju hikai ruh ha ki sap bapher bapher ka skul la pynmih bun ki samla pule kiba la iohkam bad kynjoh sha ki kyrdan bapher bapher. La pyniaid ia ka jingialang da ki khynnah jong ka English section bad la pynkut da kaba sam ia ki Result kut snem.