U Myntri ka tnad bording ka jylla u Abu Teher Mondal, ula pyntikna ba ka sorkar kan pynbiang ia ki bording ha kane ka jylla khnang ban nym don jingthut ha kum kine ki aiom lehkmen. Haba kren sha ki lad pathai khubor, u Myntri ka tnad bording ula ong ba watla ki don shibun bah ki jingeh ban weng ha ka MeECL, hynrei ka sorkar kan pynthikna ba ki paidbah ba pyndonkam ding, kim dei ban shah ktah.Ula ong ba ka sorkar kam trei tang ban ioh khusnam hynrei ban pynkhlain ia ka MeECL ban pynbiang bording. “Ngim trei tang ban ioh khusnam hynrei ban pynkhlain ia ka MeECL khnang ban pynthikna ba ki paidbah kin ym shah ktah ne mad ia ka jingthut ne jingpynlip ding”, la ong u Mondal.
Ula ong ba nalor ki jingeh ha ka jingpynmih bording, ka jingsam bad ka jingpynmih pisa, ka tnad ka don ka jingeh ruh ban siew ia ka ram sha ki kompeni kiba ka la thied bording. Ula ong ba ka tnad kan thaw lad ban pynbeit ia kine ki jingeh kawei hadien kawei.
“Kam long kaba suk ban buh por ban pynbeit ia ki jingeh ha ka MeECL hynrei, ngi pyrshang ban pynbeit kawei hadien kawei. Ngi don ka jingeh ha ka jingpynmih bording, ka jingsam bad ka jingpynmih khajna nalor ka ram ba ngi hap ban siew sha ki kompeni kiba ngi la thied bording”, la ong u Mondal.
You may also like
-
Ha Tura, Jowai bad Shillong yn pynlong ia ka Audition Miss Universe Meghalaya
-
Ka NCP kam ai lad ia ki bar jylla ban iakhun MDC ha GHADC
-
Ka jingiapher ki ktien kam dei ban wanrah ka jingiapait ha ka sain pyrthei
-
Ka jingkhang tih dewiong ka long kumba knieh pliangja kam long kaba suk: Conrad
-
Byrngem VPP ban khang tala ia ka ophis JHADC, lada ym siew tulob ia ki nongtrei hapoh 16 tarik