Uwei u nongtrei ha ka imlang sahlang u Cherian Momin u kwah ba thaw kynhun ba laitluid halor ki kam beain ban kit ia ki maw na Bhutan sha Bangladesh lyngba ka jylla Meghalaya.Ha ka shithi sha u Myntri Rangbah ka Jylla u Conrad K Sangma, u Momin u kwah ba ka sorkar kan shim khia ban pynsangeh noh ïa ki kam shalan mar beaiñ bad ban bud ryntih ki aiñ ha ki kam shalan maw. U la kynnoh ba kine ki kam, wat la ki paw ba la pynlong hapoh ka jingïateh kular khaii pateng hapdeng ka Bhutan, India bad Bangladesh, ka jingkit palat, ka jing kit mar khlem jingbit, ka jingdawa pisa bad ka pynjot ïa ki jingtei.
“Ka long kaba donkam eh ba ka sorkar jylla kan shim khia mardor bad ban pynsangeh ïa kine ki kam be-aiñ, ban pynthikna ïa ka jingbud ryntih ïa ki kyndon jong ka jingïateh kular bad ban ïada ïa ki jingmyntoi jong ki paidbah bad ki jingtei ka jylla Meghalaya,” u la ong.
U la bynrap ba ka jingïateh kular lai liang ka dei ka sienjam ba dei ban ïaroh kaba kyntiew ïa ka khaii pateng bad ka jingïatreilang ha ka thaiñ, hynrei donkam ban tip ba kane ka jingïateh kam dei ban ai lad ïa ka jingkit palat ki trok, ki kam leh donbor ki mafia kit mar ne kino kino ki kam be-aiñ da kiwei pat ki briew.
You may also like
-
Ryngkat ki lama iong iaid Rally ka KSU, shah thang bad pynjulor ki kali sorkar, khang bun ki dukan
-
Buh mawnongrim u Bah Renik ia 2 tylli ki projek ha Jakrem
-
Lai tylli ki shnat treikam pynkha ka KSU
-
Plie u MR ia ka Solar Photovoltaic Plant ba 50 KW ha St.Mary’s
-
Khynra bad khang dukan kiad ka Seng Longkmie, HITO bad JNC