Iaknieh ka Hima Nongkhlaw bad Hima Sohiong ia ka Bangla Sohphie

Ka jingai sanat Sordar u Lyngdoh ka Hima Sohiong ia u rangbah na ka dong Bangla Sohphie bad ka jingmih ka jingkynnoh ba u Lyngdoh ka Hima Sohiong u la leit ban kam ia katei ka jaka, ka la pynlong ia ka Hima Nongkhlaw hapoh ka jingialam u Syiem Khynnah ban leit sha katei ka jaka ban pynlong iaka jingpynshai paidbah.Ha kane ka jingialang bala pynlong hapoh kane ka taiew la sakhi iaka jingwan ia shim bynta lang daki Nongialam ka Synjuk ki Nongsynshar Shnong Nongthliew Area bad la sakhi ruh iaka jingbym wan iashim bynta lut ki paidbah na katei ka dong.

U Paim Khynnah ka Hima Nongkhlaw, u Paim KM Syiemlieh haba kren ha kane ka jingialang u la kyntu ia ki paidbah ba kim dei ban shah ialam bakla namar ka Dong Bangla Sohphie ka dei kaba hap hapoh ka Hima Nongkhlaw kumba la pynksan da ka KHADC lyngba ki kot kiba ka sla kiba biang bad ula ong ba ka Hima kan ym ai lad iaka jingleh bymdei da mano re mano bad kan ia khun ruh daka ain lada donkam ban ioh iaka jingbishar hok. U Paim Khynnah ula pynshai ruh iaki paidbah katei ka thain ba kim dei ban sngewthuh bakla ba ki don ha ka hima Nongkhlaw bad hapoh ka Eastern West Khasi Hills District hynrei ki hap pat ha Sohiong C&RD Block namar ka kam pynroi kam pher lada ka wan nangno nangno bad la ong ba u kyrmen ba haka census kaba thymmai yn sa pynbeit noh ia kane.

Shuh shuh u la iathuh ba ka Nonglyput kam don sordar haduh mynta bad uno uno u ba kam sordar u dei u ba shu kam hi namar kane ka shnong haduh mynta ka dang don hapoh ka jingpeit ka Hima hadien hadien ba ki mih ki kynrum kynram hynei shen ka Hima kan sa thung noh ia u sordar uba pura. U paim KM syiemlieh u ka khot bad wer ruh iaki paidbah ki bym shem la wan sha ka jingialang ban ia long kawei naka bynta ka bha ka miat jong ka shnong.