Ha kawei ki jingjia ba sngewsih kawei ka Bolero pick up kaba kit ia ki Nongrwai choir na ka Balang Presbyterian Kynrud ka la hap noh sha riat katba ka dang thmu ban leit sha ka jingiaseng Mawdem District kaba la long ha ka balang Presbyterian Nongrilong kaba hap hapoh u pud u sam jong ka Mawthadraishan Constituency.
Katkum ka jingiathuh u sordar ka shnong Kynrud u bah Clement Nongsej la ong ba ka shnong ka la ioh jingtip halor kane ka jingjia ha ka por kumba 11 duna mynstep bad ula iathuh ha kane ka jingjia 2 ngut ki la khlad noh bad bun ngut ki la mynsaw bad baroh kiba don ha katei ka kali ki long 15 ngut bad la pynkit noh ia ki ba mynsaw sha Kynrud PHC, sha Mairang Civil Hospital bad sha Shillong ban ioh ia ka jingsumar. Ki arngut ba la khlad ha kane ka jingjia ki long u Driver uba niah ia ka kali bad u Choir Conductor.
Shuh shuh u bah klement ula iathuh ba kane ka la jia mynta ka sngi u Blei 5 tarik u kyllalyngkot 2025 ka dang hap hapoh u pud u sam jong ka shnong Kynrud ha ka jaka ba long riat bha ia kaba la tip kum ka Kyllem bad ka jingjngai na surok haduh ka jaka ba neh kali na ka jingkylla kam duna ia ka 100 meter. U bah klement u la iathuh ba ka daw jong ka jingkylla bad hap kane ka kali sha riat ka dei na ka jingbym treikam ka brake jong ka kali.
You may also like
-
Dawa ka AJMW&LU ban siew tulop 10 tarik namar ka Behdeiñkhlam
-
Ai burom ia u shipai ba la shongthait bad kaitor ba pawnam
-
Leit tur kyndit ka COMSO ha Secretariat ban dawa pyntreikam ILP
-
Pynkup burom ka NPWF ia ki longkmie ha ka sngi rakhe ‘Mother Day’
-
Pynïasoh UDP palat spah ngut ki nongïalam na kiwei ki party