Ka jingai jait sha kynthei, ka long u budlum ka jaidbynriew Khasi-Jaintia

U Lat ka jylla u C.H Vijayashankar hynne ka sngi ula plie ia Ka Dorbar Iktiar Paidbah kum ka dak ban pyni ia ka jingdonkam ban tyngkai ia ka jingdon jingem kiban pynsahnam ia ka jylla. Ha kane ka sngi, la wan synranlang da u Symbud Myntri Rangbah ka jylla u bah Prestone Tynsong,u Bah P.N. Syiem, u CEM ka KHADC Bah Pyniaid S. Syiem nalor kiwei de. Haba kren ha kane ka sngi, u Lat ka jylla u Vijyashankar u la ban jur halor ka jinglong kyrpang kane ka jylla khamtam ka jingshim jait sha kynthei, kaba long kum u budlum jong ka jaidbynriew Khasi, Jaintia, bad ki Garo.

 U la iaroh ia ka jingwanrah ia ka Khasi Hills Autonomous District (Administration of Elaka) Act, 2023 bad ka Khasi Hills Autonomous District (Khasi Social Custom of Lineage) Amendment Act, 2023, kaba la aibor ia ki Rangbah Shnong, Seng Kynthei, Seng Samla, bad ki Rangbah Kur. Ula ong ba ka Sixth Schedule jong ka riti synshar ka ri, ka la ai bor kyrpang ia ki Autonomous District Councils (ADCs) bad ka la pan ia ka jingiatreilang hapdeng ki nongialam ka ADC bad ka sorkar jylla na bynta ban pyntikna ban biang ka roi ka par.

Ha kajuh ka por, ula ban jur halor ka jingdonkam ban tehlakam ia ka jingjur jong u drok bad ula pan ka jingiatreilang na ki kynhun ki nongialam niam, ki nongialam shnong ban iatreilang bad ka sorkar hapoh ka DREAM mission. Ha kane ka sngi, ka la don ka jingpynbam smai ia kiba wan ban shim bynta ba kin bat ia ka jinglonng tylli bad ban iatreilang kawei.