Ki BSF jongka Meghalaya Frontier hynin ka sngi kila ioh kem ia 5 ngut ki briew kiba wan rung be-ain shapoh ka Ri India lyngba ka thain khappud kaba don ha East Khasi Hills District. Kitei ki 5 ngut kiba la shah kem ki kynthup ia 4 ngut ki nong Bangladesh bad uwei u nong India uba dei u nongniah kali bad ia kine la ioh bat na kawei ka Maruti Alto ha GRIEF Morh.
Ki BSF kila pyntip ba hadien ba kila pynlong ia ka jingtohkit, kine ki nong Bangladesh kila phla ba kila wan rung tuh shapoh ri India naduh kine ki bnai kiba la dep bad kila leit trei bylla kum ki nongsuh jain ha Bangalore bad mynta ki don ia ka jingthmu ban leit phai noh sha ri Bangladesh.
La iathuh ba kitei ki nong Bangladesh kiba la shah kem kidei kiba na ka shnong Narayangan, Bangladesh. Ki BSF kila aiti noh ia kine sha ki Pulit jong ka Pynursla Police Station ba kin pynlong ia ka jingtohkit bad leh ia kaba donkam katkum ki kyndon ain.
You may also like
-
Iathir ki heh shipai Assam Rifles ban pynkhlain bad pyntbit ia ki shipai
-
Mynsaw ki khynnah skul ba kyrwit u phria bad erïong ha Jakhong
-
Kan poi ka por ngin ialeh thma na bynta ka um lada ngim iada ia ki tyllong um:DC
-
T.4.61 klur mang ban tei ia ka R&D Centre ha State Food Testing Laboratory Laboratory
-
Ka Meghalaya ka duna ki ‘Doctor Specialist’, ngi don tang 30 percent: Wailadmiki Shylla