Khyndai ngut ki kyrtong ka Voice of the People Party (VPP) hynne ka sngi ki la thep kyrteng kum ki kyrtong ban iakhun ia ka ilekshon sha ka Khasi Hills Autonomous District Council (KHADC) ka ban long ha ka 21 tarik Rymphang. Ki kyrtong ka VPP kiba la pyndep ban thep kyrteng ki kynthup ia ka Kong Aidaplin Lyngdoh Nonglait na Mylliem constituency, u Bah Eddieson Kharumnuid na Mawlai, Winston Tony Lyngdoh na Nongthymmai, Seiborlang Warbah na Mawkynrew, Danny Langstieh na Laban, Kitbor Syiem na Nongkrem, Denzil Chen na Jaiaw, Lancaster Marbaniang na Mawphlang bad u Bah Strongpillar Kharjana na Mawkhar-Pynthor constituency.
Haba kren sha ki lad pathai khubor u kyrtong na Laban u Bah Danny Langstieh ula ong ba shen ka Party kan sa pynbna ia ki mat iakhun ilekshon MDC lane ka Manifesto khnang ba ki paidbah kin tip shai halor ki nongrim ba ka Party ka mih ban iakhun ilekshon. U Bah Danny u la ong ba baroh ki kyrtong ka VPP ki don jingkyrmen ban jop ha ka ilekshon namar ki paidbah mynta ki la phaikhmat sha ka Party VPP.
“Ngi lah mih na ka Party VPP kaba baroh u paidbah u la phai khmat sha ngi. Ngi don beit ka jingkyrmen ba ngin jop ia kane ka ilekshon kaba mynta” la ong u Bah Danny.
You may also like
-
Iathir ki heh shipai Assam Rifles ban pynkhlain bad pyntbit ia ki shipai
-
Mynsaw ki khynnah skul ba kyrwit u phria bad erïong ha Jakhong
-
Kan poi ka por ngin ialeh thma na bynta ka um lada ngim iada ia ki tyllong um:DC
-
T.4.61 klur mang ban tei ia ka R&D Centre ha State Food Testing Laboratory Laboratory
-
Ka Meghalaya ka duna ki ‘Doctor Specialist’, ngi don tang 30 percent: Wailadmiki Shylla