Rah ka Gracy Nandy ia ka nam Mega Miss North East 2025

Ka Gracy Nandy na Shillong Meghalaya ryngkat ka Pheiroijam Christina Devi na Imphal, Manipur bad ka Chayanika Handique na Karbi Angquwne, Assam ki la  rah ia ka nam jop ha ka jingiakop thei bha briew jong ka 21 Livon Mega Miss North East 2025 kaba la long hynnin ka sngi ha ITA Cultural Complex ha Guwahati, Assaam. Kine baroh lai ngut ki la pyni ia la ki sap ki phong jong ki na ki jylla ba ki mihkhmat bad ha kane ka jingiakop ym shym don ki nongjop ha ka kyrdan ba-ar.

Kum ban pynpaw ka Gracy Nandy na Shillong ka dei ka samla pule BA 2nd year ha St. Edmund’s College. U kpa jong ka u trei kam sorkar bad ka kmie ka pyniaid ia ka kam Beauty Parlor Katba ka Pheiroijam Christina Devi ka dei ka samla pule BA English ha Royal Global University, Guwahati kaba dei na Imphal, Manipur. U kpa jong ka u dei u nongkhaii bad ka kmie ka dei ka nongtrei iing bad ka Chayanika Handique ka dang pule ïa ka BSc ha Diphu Government College ha Karbi Anglong, Assam, ka ai burom ïa la ka ka kmie kaba trei ïing kaba ai mynsiem ïa ka jingïaid lynti jong ka. Ia ki nongjop la pynkup burom da u Fran Zafra, Mister International 2024 ryngkat ka song pisa mar T,50,000 bad ki ioh lad ruh ban leit jingleit ban mihkhmat ia ka Mega Entertainment bad kiwei.

Ia kane ka rynsan iakop thei bha briew ‘Livon Mega Miss North East’ la pynlong hapoh ka jingialam u Abhijeet Singha kaba la pynmih da ka Mega Entertainment bad pynïaid iew da ka Mega Activation kum ka rynsan ban pynshlur ïa ki samla kynthei ha ka thaiñ Shatei Lammihngi jong ka Ri India. Kane ka rynsan ka la khring ia kiba bun ha ka jingleit jngoh ïa ki 8 tylli ki nongbah thain bad la pynkut noh ha nongbah Guwahati da ka jingshim bynta 57 ngut ki thei diat riam.