U Bah PT Sawkmie, MLA barim ha ka Lah sngi U Blei ka 03 tarik u Rymphang, 2025 u pynpaw haba ieit jaitbynriew ym dei ban ia beiñ ia khoh ha ka por ilekshon. “Haba ngi ieit jaitbynriew ngim dei ban ia bein ia khoh ha ka por ialap ilekshon,” ong U bah Sawkmie hadien ba la dep bishar lut ia ki kot ki sla (scrutinize) jong u ha ISBT, Mawiongrim haba ia dei bad ka jingiakhun jong u ia ka ilekshon MDC sha ka Khasi Hills Autonomous District Council kaba u ieng iakhun kum u kyrtong khlem seng.
U bah Sawkmie u pynpaw ba kum u briew ba ieit ia ka jaitbynriew um sngewdei ban kren sniew, ban wanrah ia ka jingiapait ia pra para marjan para shnong para thaw bad ban ia thad. Haba thad iano iano, um thad tang ia u ne ka shimet, hynrei u thad ia ka longiing longsem bad ka kur ka jait baroh kawei.
Namar ha kane ka ilekshon MDC ki iakhun para Khasi, hato sngewdei mo para ma ngi, para khasi ngin ia bein ngin ia khoh, ia kdew kti bad ban ia thad para ma ngi, ong bah Sawkmie. Ha kane ka sngi u bah Sawkmie u la kyrpad ruh ia ki paidbah ka Mawlai Constituency ba kin mih ryntih ban thep sha u ha ka shap jong u mohkhiew ha ka 21 tarik u Rymphang, 2025 kaba dei ka sngi thep vote.
You may also like
-
Shi taïew ai por ka KSU ïa ka tnat Urban Affairs, pynap da ka jingïakhih ba tyngeh
-
Meghalaya CEO Ym Don Ban Pynduh Kyrteng Nongthep Vote Khlem Ka Jingjurip; 6.51 Lakh Ki Kyrteng Kiba Shah Khot Kyrteng Ha Ka SIR
-
Palat 20 hajar ioh jinghikai ki samla halor ka ‘Cybercrime & Cyber Safety’ ia ki jingma na ki kam thok Online
-
Nang heh ka Iew Nongrep, phuh mat ki nongdie ma rep
-
Iaid Pilgrim ki riewngeit Hindu na Shillong sha krem Mawjymbuin