Ka Sohbar bad Sohra ki Park Ksiar ba itynnad ha pyrthei

Ka shnong Sohbar, East Khasi Hills ka dei ka jaka ba pawnam ha ki khanatang hyndai khamtam ban pynneh pynsah ia ka mariang, ki khlaw ki btap bad ki snap. Ka nam ka paw naduh ka por ba dang synshar ki phareng.  Kaba sngewtynnad ka long ba ki nongshong shnong ki la pynneh pynsah ïa ka dustur bad lehkhuid ïa ki kam ba ki ju trei man ka sngi bad ka Sohbar Tourism ia ki tamasa man u snem kumno ban pynneh ia ki jinglong tynrai bad kumjuh ban khring ia ki nongwan shangkai pyrthei ha ka shong bad ka Wahrew kaba khuid khlirkhlir.Ka Sohbar Cultural Tourism Society ka la pynlong dang shen ia ka Lariti Festival halor ka jinglong jingim ki briew bad ka rukom rep kum ka jingrep sla Latyrpad kaba long ban pynneh ia ka khlaw ka btap.Ïa kane ka tamasa la pynlong ba lai sngi kynthih ha Biodiversity Forest, Khlieh Umlang Sohbar, East Khasi Hills District hapoh ka jingïalam u Chairman bah KS Lyngskor uba dei ruh u Sordar ka Ilaka Sohbar bad u Secretary u bah C. Shullai.

U Professor Desmond Kharmawphlang uba dei u heh ka tnad Creative Folklore ula donlang ban plie ia kane ka tamasa bad kumjuuh ban ai ki sabut bad ki kot ki sla ba ula lum ia ki pateng jong ka shnong bad ia ki dur lyngba ka jingwad bniah na ka tnad Creative Folklore NEHU.Ha ka sngi rakhe Lariti, katkum ka dustur ki nong Sohbar, ki leit sha lyngkha ban rep bad ban kheit latyrpad.U Professor Desmond uwei na ki riew wad bniah ba ju leit jngoh ula ong, ka Lariti Festival kan pynitynnad ia ka shnong Sohbar da ki jinglong tynrai bad ha kane ka sngi la pynlong ka jingiakop bapher ban pynshlur ia ki riew don sap ba dro dur ia ka mariang bad kolshor jong ka thain Sohbar bad ka jingiakop rwai phawar.

U la ong ba kawei na ki jingthmu jong ka shnong Sohbar ka dei ka put ka tem, ka rwai ka siaw bad ka put ka tem. Ula bynrap ba ka Hynñiewtrep Hynñiewskum lyngba ka Shnong Sohbar bad ka thaiñ Sohra ka la kylla long kawei na ki park ksiar ba itynnad ha pyrthei. Ka long ka par ksiar (Gold Mines) ba u Blei ula ai ha ki nongioh pateng ban ri ban sumar bad ban pynneh ia ka mariang,  “U briew um lah ban lait na ki sawdong sawkun ka mariang bad um lah ban lait na ki riti ki dustur kiba ai kamai lyngba ka mariang na bynta ka bam ka dih”.