Halor ka lynti Rel ha Rilum Jaintia, ïeng lang u bah Kyrmen bad ki paidbah

U Myntri Sorkar uba dei ruh u MLA naka thaiñ East Jaintia Hills u Bah Kyrmen Shylla la pynpaw ba un ïeng lang bad ki paidbah, haba iadei bad ka mat wanrah lynti Rel hapoh ka ka Rilum Jaintia Hills.“Lada ki paidbah ki ong em, kata ka mut ba ngan ieng pyrshah ia ka Sorkar lada ka pyrshang ban wanrah lynti Rel jubor bad lada ki paidbah ki ong hooid ruh ngan ieng bad ki paidbah bad kyrpad wanrah lynti Rel” la ong u Bah Kyrmen.Lah ban kdew ba kala don ka jingtyrwa ba thymmai ban pyniasoh lynti rel ba 180 Km na Chaparmukh Junction, Assam sha Jowai, Meghalaya.

Haba kren shaki lad pathai khubor u Bah Kyrmen u la ong ba ka la don ka jingïamir jingmut para marwei bad ki nongshim bynta bapher bapher bad do na ki, kiba la pynpaw ïa ka jingsngewkhia jong ki lada wan ka lynti Rel.U Bah Kyrmen u la ong ba ki paidbah ka thaiñ Rilum Jaintia ki pynpaw ka jingsngew artatien lada wan ka lynti Rel, khamtam ki don ka jingsngew artatien haba iadei bad ki jaka puta. “Ki sngew artatien ioh ka jinglong trai iaki jaka puta kan jah noh, ioh ka jingwan ka lynti kan ktah iaka khaïi pateng ki trai Jylla” u la ong.

U la ong ba ki paidbah ka Ri-lum Jaintia ki dei ban ioh ka lad ba laitluid ban shimrai halor ka jingwan ka lynti Rel khlem ka jingtuklar jong kiba nabar.“Nga kwah ban iohi ba kam dei ban don ka jingwan tuklar nangno nangno ruh. Ai ba ki paidbah ka Ri-lum Jaintia kin rai halor ka lynti rel” u la ong.