U Lat ka Jylla u CH Vijayashankar u la pyntip ba ka tnat Ministry of Finance ka Sorkar India kala mang T.2.460 klur ban kyntiew bad pynbha iaki surok hapoh ka Jylla Meghalaya. Ïa kane u Lat ka Jylla u la pyntip haba kren haka sngi sdang jong ka Dorbar Mang Tyngka ka Iing dorbar thawain ka Jylla. U Lat ka Jylla u la pyntip ba ka jingmang pisa daka Sorkar Pdeng iaka Meghalaya kadei lyngba Meghalaya Economic Growth Corridor (Mega) Project.
U la ong ba ki surok ha kane ka Jylla Meghalaya ki don ia ka bynta kaba khraw ban kyntiew ia ka ioh ka kot bad ha barpoh ki kam pynroi, la ong ba bun ki surok kiba don kam ki jingtrei kila iaid sha khmat kum ka surok Shillong-Dawki, Tura-Dalu bad kiwei kiwei dei ki surok. U Lat u la pyntip ruh ba ka Sorkar Jylla kala buh thong ban shna noh da ki jingkieng dewbilat ban iaid ki kali ha ki jaka jong ki jingkieng dieng, mynta u snem yn shna 484 meter ki jingkieng iaid kali da ka dewbilat.
Haba ia dei bad ka skhim PMGSY-3 ka sorkat jylla kala ioh pisa T.1,056/- klur tyngka, kane ka long ban shna ia ki 88 tylli ki surok thymmai, ban shna 782 km ki jingkieng kiba dei na ki 55 tylli, kane ka long tang na ka bynta ki surok bad ki jingkieng.
You may also like
-
Iathir ki heh shipai Assam Rifles ban pynkhlain bad pyntbit ia ki shipai
-
Mynsaw ki khynnah skul ba kyrwit u phria bad erïong ha Jakhong
-
Kan poi ka por ngin ialeh thma na bynta ka um lada ngim iada ia ki tyllong um:DC
-
T.4.61 klur mang ban tei ia ka R&D Centre ha State Food Testing Laboratory Laboratory
-
Ka Meghalaya ka duna ki ‘Doctor Specialist’, ngi don tang 30 percent: Wailadmiki Shylla