U Thombor Shiwat Chief Executive Member (CEM) ka JHADC haka sngi sdang ka Dorbar mang tangka ka council naka bynta u snem 2025-2026 kala wanrah iaka mang pisa ba duna 11,32,88,300 klur.
Ka mang tyngka bala mang ka long 245,90,55,900 ha kaba ka jingpynlut kala kot shaka Rs. 257,23,44,200, kaba la duna haduh Rs. 11,32,88,300 klur na kaba lah ban pynmih.
U CEM haba kren u ong ba ha u snem 2024-2025 la lah ban pynlait iaka tulop ba 15 bnai hadien bala pynlait ka sorkar jylla iaka song pisa ka Council ha u bnai Jan 2025.
Shuh shuh u iathuh ba na ka Digital India Land Records Modernization Programme (DILRMP) ka Council kala ioh Rs 6,32,400 naka bynta u snem 2024-2025.
Na ka Tied & Untied Grant, ka Council kala lah ban pyntreikam 422 tylli ki Scheme ha East bad West Jaiñtia Hills bad kine kynthup naduh ka um bam, ki surok, ki tin sop ïing, ki kynroh bad kiwei.
Ula iaroh bad ai khublei ruh iaka Executive Committee baroh kaba la trei dhitom ban pyndep iaka Jaiñtia Dorbar Hall, kaba la lah ban plie ha u bnai Oct 2024 watla ka Council ka don hapdeng ka jingduna pisa.
U Thombor ula pynkynmaw ruh ba haka 28 tarik October 2020 la shim iaka rai ban sangeh thung kam bad la lah ban pynduna iaka jingdon ki nongtrei naka 1490 sha ka 1215 ngut.
Bad ong ruh ba ka Executive Committee ba mynta katba lah kan trei iaka bha ka miat bad ka roi ka par ki paidbah ka Rilum Jaiñtia.
You may also like
-
T.344.4 klur mang ka sorkar ban iada ki tyllong um ka Wah Umiew bad Ganol“Ka project ban myntoi ki nongshong shnong”
-
Leit jngoh u Myntri ia ka shnong Maikhuli Bthah ia u DC ban iakren bad ka Assam ban wanrah shongsuk hapdeng ki ar District
-
Bthah u DC ia ki pulit ban khynra kam die met ha Khyndailad bad kiwei ki jaka
-
Plie u Conrad ia ka kamra ba 50 thymmai ba jingthiah ha DMCH Tura.
-
Husiar paidbah wat ngeit ia ki ‘Social Media’ peit ia ki kam, ong u Bah Prestone