Wat pynkylla ophis ‘High Level’ ia ka Secretariat, ong ka KHNAM

Ka Khun Hynniewtrep National Awakening Movement (KHNAM) ka pyrshah ia ka hukum ba pynmih ka Secretariat Administration Department (SAD) ban ym shah ia ki paidbah ban rung shapoh Secretariat khlem da ioh shwa ia ka Appointment. U Bah Thomas Passah u Working President ka KHNAM, ula ong, “Ka Secretariat ba la juh tip kum ka shlem treikam u paidbah la pynkylla sha ka Ophis tang jong ki High Level katkum katei hukum ba la mih ba “Yn ym shah shuh ia ki riew paidbah ban rung  shapoh secretariat khlem da ioh appointment” kumta ka seng pynrem ia kane ka jingleh ka sorkar ban khanglad ia ki paidbah ban leit pynsngew ia ki jingeh sha ki nongmih khmat lane sha ka sorkar”

Ngi dawa ba ka sorkar kan pynkylla mardor ia kum kine ki hukum. Ngim sngewthuh ka sorkar balei ka tieng katne katne, hato ka jingtieng ia u paidbah lah ban dei namar ka sorkar hi ka sngewthuh ba ka la leh ki kam kiba ka hap ban rieh na u Paidbah? La buh jingkylli u Bah Thomas.Ula ong, “Yn leh kumno lada nga hap ban leit file RTI ha ki Department ha sacretariat, hato nga hap pan jingbit shwa na u Public Information Officer?, lane ngin leh kumno ban leit ai shithi shapoh sacretariat? Haba la long kumne la sngewthuh, ba lada ngi pan jingbit/permission ruh la thikna ngin ym ioh bad lada ioh ruh hadien bun bun bnai lehse. Na ka liang ka seng ha kine ki 5 snem ba la dep ngi la pan jingbit ban iakynduh ia u Myntri Rangbah da ki phewsien, hynrei khlem shim la ioh”.

U nongialam ka KHNAM ula ong ruh “Ngi kwah ruh ban tip shai ba hato ka UDP, HSPDP bad kiwei kiba don ha ka Sorkar MDA ki mynjur ia kum kine ki jingbthah, lada ki sngap jar ka mut ki mynjur namar la juh ong ba ka jingsngapjar kadei ka jingmynjur”.

Leave a Reply

Your email address will not be published. Required fields are marked *