Ka sngi kyrpang ka Red Cross Day la rakhe hynne ka sngi ha Durbar Hall, Raj Bhavan, Shillong ha kaba u Lat ka jylla u CH. Vijayashankar ula plie pyrda ia kane ka jingrakhe. Haba kren ha kane ka sngi u Lat ka jylla u la kynmaw burom ia u nongseng ia ka Red Cross Movement u Henry Dunant bad u la maitphang ia ka rukom treikam ka Red Cross ha ka imlang sahlang bad ban iarap ia ki briew kiba shem jingeh khamtam ha ka por ba don kano ka jingshah lyngshop ne ka por ba khie ka thma.
U la ai ka jingiaroh ia ka Meghalaya State Branch ka la trei met bad mynsiem na bynta ban ai ka jingshakri haba donkam kano kano ka jingiarap kaba kyrkieh kum ka jingdonkam snam, ka pule puthi bad kiwei de. Ia kane ka jingrakhe la sdang da ka jingpdiang burom da ka sur jingrwai na ki samla pule ka Shillong College bad la bud sha kiwei ki kolshor prokram na ka Holy Child School.
Ha kane ka jingrakhe la wan ban iashim bynta lang da ki nongtrei bad ki heh na ka Indian Red Cross Society, ka sorkar jylla, ki samla pule bad kiwei de. Ia kane ka sngi Red Cross Day la ju rakhe man u snem ha ka 8 tarik Jymmang kum ka sngi ban kynmaw ruh ia ka sngikha jong u Henry Dunant.
You may also like
-
Hukum ka Meghalaya HC ïa ka KHADC ban thung biang ïa u Ainam Manik kum u Syiem ba pura ka Hima Mylliem
-
Hapdeng ka jingiphuh kut ka shad Behdeiñkhlam ka Seiñraij Ialong
-
Hadien 2 bnai, ïaid biang ki kali harum Laitlyngkot, buh pulit ban shngaiñ ki paidbah
-
Kren kyllaiñ u CE ia ka T.336 klur ba pynbna u Mntri na bynta ka skhim JJM:KJGC&SA
-
Shi taïew ai por ka KSU ïa ka tnat Urban Affairs, pynap da ka jingïakhih ba tyngeh