Ba bteng lum pisa jubor na ki draibar auto, ujor ka NRAODA sha ki pulit & DTO

Da ka jingsngewkhia kaba jur halor ka jingnang iai kam nongialam jubor u Bah Marcus Marten kum u nongialam ka Nongpoh Region Auto Owners and Driver Association (NRAODA), mynta ka sngi ki nongialam jong kane ka kynhun ki nongñiah Auto ha Nongpoh ki la leit ban buh syndon da ka jingujor ha Nongpoh Police Station bad ruh sha ka ophis u District Transport Officer (DTO) ka Ri Bhoi District. Na ka liang kane ka kynhun ki nongñiah Auto rickshaw jong ka NRAODA, lyngba u President u Bah Banasar Lyngdoh Nonglait bad u Education Secretary Bah Elianby Tynsong ki la pynrem jur ia u Bah Marcus Marten u ba la iai kam kum u nongialam jong kane ka kynhun wat hadien ba la dep pynthymmai ia ki nongialam bad dkhot naduh u snem 2024 bad wat ia ki kot ki sla ha kaba ia dei bad ka Association ruh la dep ban aiti sha ka ophis u Deputy Commissioner bad ki la ioh ia ka jingithuh ba kyrpang na ki bor ka sorkar.
Ki la ong ruh, ba kane ka jingiai bteng u Bah Marten ban kam nongialam bad ruh ban leh ia ki kam kum ka jingiai lum pisa na ki nongñiah Auto ha ka kyrteng ka Association ka la ktah shikatdei ia baroh ki nongñiah Auto ha Nongpoh kiba la ujor ruh sha ki nongialam ba mynta, kumta kim banse ban mih biang sha madan ban pynshai halor ka jingbym bat kam shuh jong u Bah Marten.”Da ki snem ki snem ba u la bat kum u ta u nongialam kam shem la don satia ka jingtrei kaba khuid ne wat ban pynlong ia ki jingpynthymmai ia ki nongkitkam, ha kaba wat ia ka pisa ba la lum da ki snem ki snem ruh baroh ki dkhot kim don jingtip ha kaba ka don tang ka register hynrei ka bank passbook pat kam don satia bad kim tip ka pisa kaba la lum baroh shikatta shaei ka rung”, kynnoh ki nongialam.
Shuh shuh ruh, ki la kynthoh ba baroh ki tip ia ka jingshisha halor ka jingbym don bynta shuh jong u Bah Marcus Marten bad ka Association hynrei ka dei tang ka jingkam jubor jong u khnang ban ioh leh ia ki kam ban myntoi shimet, da kaba bynrap ruh, ba kane ka dei ka juk kaba la shai bad ki paidbah ki tip lut ia ka jinglong jong u da kaba kyntu ia u ban kiar noh na ka jingpyndonkam bakla ia ka ky.